चार महिन्या पासून फरार असलेल्या गुन्हेगारास वणी पोलिसांनी केली अटक.

वणी:- सपोनि दत्ता पेंडकर यांचे फिर्यादीवरून वणी पोलिस स्टेशनला तक्रार दाखल केली.यातिल आरोपी शेख सद्दाम शेख  उस्मान २८ वर्ष  रा.खरबडा मोहल्ला वणी व इतर पाच आरोपी विरूद्ध कलम ३९९  सहकलम १३५ महा.पोलिस अधिनियम गुन्हा दाखल होऊन इतर आरोपींना अटक करण्यात आली होती. त्यातील आरोपी शेख सद्दाम शेख उस्मान हा गुन्हा केल्याचे दिवसांपासून फरार झाला होता.वारंवार तो पोलिसांना गुंगारा देत होता.

आज तो वणी शहरात असल्याची गुप्त माहिती वणी पोलिसांना मिळताच त्यास दिपक चौपाटी येथे ताब्यात घेऊन अटक केली. सदरची कारवाई उपविभागीय पोलिस अधिकारी गणेश किंन्द्रे,

ठाणेदार अजित जाधव यांच्या मार्गदर्शनाखाली,सपोनि माधव शिंदे, सुदर्शन वानोळे,हरिन्द्रकुमार   भारती, पंकज उंबरकर, विशाल गेडाम, गजानन कुडमेथे यांनी केली.