बोरी गदाजी येथे शेतकऱ्यांनी केला पोळा सण मोठ्या उत्साहात आणि शांततेत साजरा.

सर्ज्या राज्याला सजवून काढण्यात आली मिरवणूक,तालुक्यातील इतर गावातही साजरा झाला पोळा

मारेगाव: यवतमाळ जिल्ह्यातील मारेगाव तालुक्यातील बोरी गदाजी येथे पोळा सण मोठ्या उत्साहात आणि शांततेत पार पडला. यावेळी शेतकऱ्यांनी त्यांच्या बैलाची सजावट करून बैल पोळ्यात घेऊन आले तसेच त्यांची शिस्तबद्ध पद्धतीने मिरवणूक ही यावेळी काढण्यात आली.वर्षभर शेतकऱ्यांसोबत काबाडकष्ट करणाऱ्या बैलांविषयी कृतज्ञता व्यक्त करण्याचा हा दिवस शेतकऱ्यांनी त्यांच्या सर्ज्या राज्यासोबत मोठया उत्साहाने साजरा केला. कृषी संस्कृती विषयी जाण असणाऱ्या शेतकऱ्यांनी आजच्या आधुनिक काळात पारंपरिक सजावट बैलाला करून कृषी परंपरा जपली.