समाजात माता-भगिनींना आदरानं वागवलं पाहिजे (मनसे नेते राजू उंबरकर)

:- महाराष्ट्र नवनिर्माण सेनेचे पक्षनेते राजू उंबरकर यांच्या जनसंपर्क कार्यालयात काल रक्षाबंधनाचा कार्यक्रम संपन्न झाला. वणी विधानसभा क्षेत्रातील महिला भगिनी गेल्या १६ वर्षांपासून न चुकता रक्षाबंधनाचे औचित्य साधत राजू उंबरकर यांना राखी बांधण्यासाठी येत असतात. यावेळी उंबरकर यांनी जनसंपर्क कार्यालयात सपत्नीक त्यांचे स्वागत करून राखी बांधून घेतली.

भावा-बहिणीच्या अतूट नात्याला उजाळा देणारे, हे नातं आणखी घट्ट करणाऱ्या 'रक्षाबंधन' या सणाच्या शुभेच्छा दिल्या. समाजात माता-भगिनींना आदरानं वागवलं पाहिजे, समान अधिकार आणि दर्जा दिला पाहिजे, तरंच खऱ्या अर्थानं आजच्या या सणाचं महत्त्व राखलं जाईल, असे मत यावेळी राजू उंबरकर यांनी व्यक्त केले.

माता भगिनींच्या रक्षणासाठी आणि त्यांना स्वतःच्या पायावर उभे करण्यासाठी राजू उंबरकर कायमच प्रयत्नशील असतात. याचाच प्रत्यय आजच्या या रक्षाबंधन दिनाच्या कार्यक्रमाच्या निमित्ताने आला. वणी विधानसभा क्षेत्रातील महिला भगिनींना स्वावलंबी करण्यासाठी आगामी काळात उपक्रम हाती घेण्यात येणार आहे.असे त्यांनी या कार्यक्रमा प्रसंगी मत व्यक्त केले.