भुरकी गावातील अंगणवाडी मदतनीस प्रक्रियेत मोठा घोळ, महिला बाल विकास विभागातील अधिकारी सामील असल्याची शंका.

वणी:- महिला बाल विकास विभाग व एकात्मिक बाल विकास योजना प्रकल्प  वणी जिल्हा यवमाळ मार्फत सन - २०२३ ते २०२४ मिनी अंगणवाडी सेविका आणि मदतनीस पदभरती करण्यात आली. त्यात १९/०६/२०२३ रोजी जाहीरनामा प्रसिद्ध करण्यात आला. त्यात वणी तालुक्यातील भूरकी या गावातील अंगणवाडी मदतनीस पदांची जाहिरात प्रसिद्ध करण्यात आली. तर गावातील एकूण पाच उमेदवारांनी  उमेदवारी अर्ज दाखल केला त्यातील नामे

जयश्री शरद खोंड,

प्रियांका राकेश झाडे,

कोमल अतूल देऊळकर,

प्रणाली अमोल लांबट,

पूजा आकाश उपरे,

तर,

एकात्मिक महिला व बाल विकास वणी द्वारा उमेदवार गुण क्रमांक यादी दिनांक - ०३/०८/२०२३ रोजी प्रसिद्ध झाली.

त्या यादीतील गुण हे वर्ग १२ वी च्या पात्रतेनुसार घेण्यात आलेले होते.

उमेदवार  प्रियांका राकेश झाडे या भुरकी या गावातील कार्यरत असलेल्या अंगनवाडी सेविका यांचा सून आहेत .

त्या यादीत उमेदवार यादी प्रसिद्ध झाली त्यात १२ वी वर्गाचे गुण हे ८२.४६% दिले आहे. तर त्या उमेदवार यांना १२ वी च्या ओरिजनल मार्क्सशिट मध्ये ४७.६९% आहे.

त्या पदभरती मध्ये घोटाळा झाला आहे. तर या प्रकरणी आक्षेप घेण्यात आलेला आहे. त्याचप्रमाणे  बाल विकास प्रकल्प अधिकारी तसेच  गटविकास प्रकल्प अधिकारी यांना निवेदन सादर करण्यात आले. तरी वरील तक्रारीचा लवकरात लवकर वरील घटकांची चौकशी करून योग्य त्या उमेदवारास न्याय मिळवून देण्यात  यावा. वरील मुद्यांची योग्य ती तपासणी करून घोटाळा करणाऱ्यां विरोधात योग्य ती कार्यवाही करण्यात यावी व त्यांच्यावर गुन्हा दाखल करण्यात यावा. अशी मागणी कोमल देऊळकर, जयश्री खोंड,प्रणाली लांबट, या उमेदवारांनी बालविकास प्रकल्प अधिकारी वणी यांच्या कडे तक्रार दाखल केली आहे.  या तक्रारीची चौकशी करून काय कारवाई करणार याकडे उमेदवारांचे लक्ष लागले आहे.