यवतमाळ स्काऊट मास्टर व गाईड कॅप्टन करणार साऊथ कोरियातील आंतरराष्ट्रीय जांबोरीचे प्रतिनिधित्व

संपुर्ण जगातील 165 देशातील स्काऊट-गाईड सहभागी होणार आहेत.

यवतमाळ: साऊथ कोरियातील सेऊल येथे स्काऊट गाईड  जागतिक  जांबोरीचे आयोजन ४ ते १० आगस्ट दरम्यान करण्यात आले आहे. जांबोरी म्हणजे स्काऊट- गाईड चा भव्य आंतरराष्ट्रीय मेळावा होय. सदरजांबोरीकरिता  संपुर्ण जगातील 165 देशातील  स्काऊट-गाईड सहभागी होणार आहेत.

      यवतमाळ  जिल्हा कार्यालयचे  वतीने उपशिक्षणाधिकारी  प्राथमिक तथा जिल्हा चिटणीस स्काऊट-गाईड  चे राजु मडावी यांच्या नेतृत्वात नरेंद्र भांडारकर, शालिनी शिरसाट,  नंदा बुरांडे, संजय गावंडे, अर्चना मुळे, शिला साखरे, निरंजन मांडवे , सुनिता तंबाखे, हे  भारताचे प्रतिनिधित्व करणार आहेत.

      जांबोरीमध्ये स्काऊटींग कौशल्य , विविध शैक्षणिक  सांस्कृतिक कार्यक्रम , नवोपक्रम पायोनिअरींग प्रकल्प , अडव्हेंचर कार्यक्रम , बौद्धिक व मनोरंजनात्मक , साहसी खेळ आदींची रेलचेल असते. जगभरातून ४० ते ५० हजार स्काऊटस्- गाईडस् मोठया संख्येने व हर्षोल्लोहासाने सहभागी होतात

    यवतमाळचे प्रतिनिधि  डे व्हिजिटर्स म्हणून तेथे होणाऱ्या या सर्व उपक्रमामध्ये  सहभाग राहणार आहे . याचा फायदा जिल्ह्यातील  स्काऊट-गाईड चळवळीच्या च्या संख्यात्मक व गुणात्मक वाढीकरीता होणार आहे.

    दर चार वर्षांतून एकदा जगातील वेगवेळ्या देशामध्ये जांबोरीचे आयोजन करण्यात येत यवतमाळ स्काऊट गाईड कार्यालय चे वतीने यापूर्वी सुद्धा जापान, अमेरीका, स्वित्झर्लंड,  येथे स्काऊट मास्टर गाईड कॅप्टन यांनी सहभाग  नोंदवला आहे.

शिक्षणाधिकारी (प्राथमिक) तथा   जिल्हा मुख्य आयुक्त किशोर   पागोरे , शिक्षणाधिकारी (माध्य)  तथा जिल्हा आयुक्त (गाईड) डॉ. जयश्री राऊत, जिल्हा संघटक स्काऊट गजानन  गायकवाड , जिल्हा संघटक  गाईड मनिषा तराळे,  यांनी सर्वांना शुभेच्छा दिल्या आहेत.