तुटलेल्या ताराच्या स्पर्शाने शेतकऱ्यास विजेचा धक्का, मोठा अनर्थ टळला

महावितरणचा गलथान कारभार चव्हाट्यावर, मारेगाव तालुक्यातील मजरा येथील घटना

मारेगाव :  कृषी पंपाला विजपुरवठा करणारी मुख्य लाईन चे मजरा शिवारात  तुटलेल्या जिवंत तारांचा शेतकऱ्यास  बैल चारताना स्पर्श झाल्याने विजेचा मोठा धक्का बसला सुदैवाने फेकल्या गेल्याने प्राण वाचले मात्र यामुळे महावितरण वीज कंपनीचा गलथाण कारभार चव्हाट्यावर आला आहे.            

            तालुक्यातील मार्डी वीज उपकेंद्रतर्गत कृषी पंपाला वीजपुरवठा करणारा केगावं फिडरवरील मुख्य लाईनचे तुटलेले तार मजरा शिवारात शेतात पडलेले आहे.  मजरा येथील शेतकरी विजय सदू बोबडे हा स्वतःचे शेतात बैल चारत असताना या जिवंत तारांचा  स्पर्श झाल्याने मोठा विजेचा धक्का बसला नशीब बलवत्तर विजेच्या धक्क्याने फेकल्या गेल्याने मोठा अनर्थ टळला.10  दिवसापासून विजपुरवठा  बंद असल्याने तसेच तुटलेले तार जमिनीवर पडल्याने याबाबत शेतकऱ्यांनी महावितरणकडे लेखी तक्रार सुद्धा केली आहे. महावितरणचे दुर्लक्ष होत असल्याने समजा  त्या शेतकऱ्याच्या जीवितास हानी पोहचली असती तर जबाबदार कोण असा सवाल संतप्त शेतकरी करीत आहे मात्र यामुळे महावितरणचा गलथान कारभार चव्हाट्यावर आला आहे.