4 ऑगस्ट ला वणी आणि मारेगाव तालुक्यात मंडल यात्रेचा जनजागृती दौरा

7 ऑगस्ट मंडल दिनाच्या औचित्याने ” ओबीसी, व्हीजेएनटी, एसबीसी जनजागृती अभियान विदर्भातील सर्व जिल्ह्यात

वणी: 7 ऑगस्ट मंडल दिनाच्या औचित्याने ” ओबीसी, व्हीजेएनटी, एसबीसी,जनजागृती अभियान विदर्भातील सर्व जिल्ह्यात राबविले जात असून याच अभियानाचा टप्पा म्हणून सदर मंडल यात्रा 4 ऑगस्ट 2023 ला वणी आणि मारेगाव तालुक्यातील गावांमध्ये येणार आहे.ओबीसी जनगणना झालीच पाहिजे या मुख्य मागणीसह अन्य मागण्या शासनातर्फे मान्य करून घेण्यासाठी “ 7 ऑगस्ट मंडल दिनाच्या औचित्याने ” ओबीसी, व्हीजेएनटी, एसबीसी जनजागृती अभियान विदर्भातील 7 जिल्ह्यात 30 जुलै ते 6 ऑगस्ट 2023 पर्यत राबविण्यात येत आहे.या अभियानात 1) जातीनिहाय जनगणना झाली पाहिजे. (2) ओबीसी विद्यार्थ्यांसाठी 72 वसतीगृहे व 21,600 विद्यार्थ्यांसाठी स्वाधार योजना लागू झाली पाहिजे.

(3) सर्व व्यवसायिक अभ्यासक्रमांना 100% फी माफी योजना लागु करावी. (4) महाज्योती संस्थेस 1000 कोटी रूपयाचा निधी मिळाला पाहिजे.(5) इतर मागास आर्थिक विकास महामंडळाला 1000 कोटीचा निधी मिळाला पाहिजे. (6) इतर मागास बहुजन कल्या विभागाद्वारे सर्व जिल्ह्यात स्वतंत्र कार्यालय, अधिकारी व ओबीसी भवन निर्माण झाले पाहिजेत (7) इतर मागास बहुजन कल्याण विभागाला 30,000 करोड रूपयाचा निधी मिळाला पाहिजे. (8) तात्काळ शिक्षक भर्ती झाली पाहिजे. (9) शेतकऱ्यांच्या लाला हमी भाव मिळाला पाहिजे (10) स्वामीनाथन आयोग लागू करा. इत्यादी मागण्या शासनदरबारी मान्य करण्यात याव्या यासाठी अभियान राबविण्यात येत आहे. दिनांक 4 ऑगस्ट 2023 ला मंडल यात्रा वणी तालुक्यातील नायगाव (बु) येथेसकाळी 10.30 वा. पुनवट येथे सकाळी 10.45 वा. पुरड येथे सकाळी 11.00 वा. शेलू (बु) येथे सकाळी 11.15 वा. चारगाव चौकी येथे सकाळी 11.30 वा. केसुर्ली येथे सकाळी 11.45 वा. वणी येथे छत्रपती शिवाजी महाराज चौकात दुपारी 12.00 वाजता तसेच चिखलगाव येथे दुपारी 1.00 वाजता यात्रा पोहचणार आहे.

माजी प्रधानमंत्री, व्ही. पी. सिंग ओबीसी मसीहा, बी. पी. मंडल यांच्या प्रेरणेतून ही यात्रा नियोजित आहे.वणी तालुक्यासोबतच मारेगाव तालुक्यातील गावात ही यात्रा पोहचणार आहे. दि 4 ऑगस्ट 2023 ला मंडल यात्रेच्या आगमनानिमीत्त्य मारेगाव तालुक्यातील खालील गावात स्वागत व सभा आयोजित केलेल्या आहेत. यामध्ये दुपारी 1.30 वा. मंगरूळ येथे. मारेगाव येथे (मार्डी चौक) दुपारी 2.00 वाजता. करणवाडी येथे दुपारी 2.30 वाजता तर बोटोनी येथे दुपारी 3.00 वाजता सभा होणार आहेत.

ओबीसी महिला समन्वय समिती, सन्मान स्त्री-शक्ती फाऊंडेशन, विदर्भ माध्यमिक शिक्षक संघ, महाराष्ट्र राज्य जुनी पेंशन संघटना,विदर्भ राज्य आंदोलन समिती आणि OBC (VJ, NT, SBC) जातनिहाय जनगणना कृती समिती, वणी-मारेगाव-झरी, जि. यवतमाळ इत्यादी संघटनेनी जनतेला यात्रेत सहभागी होण्याचे आवाहन करण्यात आले आहे.