वनोजा (देवी) व डोलडोंगरगाव येथे अवैध दारू विक्री जोमात...मात्र पोलिस प्रशासन कोमात.... वनोजा (देवी ) व डोलडोंगरगाव येथील अवैध दारू विक्री बंद करा - गावकऱ्यांचे ठाणेदारांना निवेदन आता नव्याने रुजू झालेले ठाणेदार काय कारवाई करते याकडे गावकऱ्यांचे लक्ष लागले आहे.

वनोजा (देवी) व डोलडोंगरगाव येथे अवैध दारू विक्री जोमात...मात्र पोलिस प्रशासन कोमात....

वनोजा (देवी ) व डोलडोंगरगाव येथील अवैध दारू विक्री बंद करा - गावकऱ्यांचे ठाणेदारांना निवेदन

आता नव्याने रुजू झालेले ठाणेदार काय कारवाई करते याकडे गावकऱ्यांचे लक्ष लागले आहे.

रिपोर्टर : राजेश येसेकर मो. ७७५६९६३५१२

वनोजा (देवी) : मारेगाव तालुक्यापासून १५ किमी अंतरावर असलेल्या वनोजा (देवी) व डोलडोंगरगाव मध्ये अवैध दारू विक्री जोमात.... मात्र पोलीस प्रशासन कोमात....

अवैध दारू विक्रीचे धंदे सुरू आहेत. त्यामुळे गावात शांतता व सुव्यवस्था भंग होऊन अल्पवयीन मुले दारूच्या आहारी जाऊन गावातील तंटा भांडने वाढली आहेत. काही ठिकाणी पोरग आणि बाप मिळुनच दारु पितात यामुळे बाप आवरेना पोराले...अन पोरग आवरेना बापाले ... अशी अवस्था  या गावातील झाली आहे. या पुर्वी हि गावातील अवैध दारू विक्री बंद व्हावी म्हणून  काही महिला मंडळांनी मारेगाव पोलीस ठाण्यात तक्रार दाखल करण्यात आली होती.पण त्यांचा काही उपयोग झाला नाही. ग्राम पंचायतच्या माध्यमातून दारू विक्री करणाऱ्यांना नोटीस देऊनही काही मुजोर विक्रेते मानायला तयार नाहीत. उलट त्यांच्याकडून दारू बंद करणाऱ्यांना मारण्याच्या धमक्या दिल्या जात आहेत. त्यामुळे गावकऱ्यांनी आक्रमक भूमिका घेत सर्व महिला व पुरुष मंडळीच्या सह्या घेऊन अवैध दारू विक्री बंद कराचे निवेदन डोलडोंगरगावचे सरपंच शितल येरमे व वनोजादेवीचे उपसरपंच प्रशांतकुमार भंडारी यांच्या नेतृत्वात २१ जुलै रोजी नव्याने रुजू झालेले ठाणेदार जनार्दन खंडेराव यांना निवेदन देऊन सुरू असलेली अवैध दारू विक्री वनोजा (देवी), डोलडोंगरगाव येथे अवैध दारू धार्मिक स्थळांच्या परिसरातील खुलेआम सुरू असलेली अवैध दारू विक्री बंद करावी अन्यथा गावकऱ्यांना प्रशासनाच्या विरोधात लोकशाहीच्या मार्गाने तीव्र आंदोलन छेडल्या शिवाय पर्याय नाही. असा गर्भित इशारा सरपंच शितल येरमे, उपसरपंच प्रशांतकुमार भंडारी व गावकऱ्यांनी दिला आहे.

वनोजा (देवी ) व डोलडोंगरगाव येथील अवैध दारू विक्री बंद करण्यासाठी नव्याने रुजू झालेले ठाणेदार काय कारवाई करते याकडे गावकऱ्यांचे व परिसरात नागरिकांचे लक्ष लागले आहे.