यवतमाळ जिल्ह्यातील महागाव आणि बाभुळगाव तालुक्याला पुराचा वेढा, पावसाचा हाहाकार, शेतपिकांचे,घरांचे प्रचंड नुकसान

महागाव तालुक्यातील आनंदनगर तांडा येथे 45 लोक अडकले तर बाभूळगाव तालुक्यातील कोतम्बा गावाला पुराणं वेधलं

यवतमाळ:यवतमाळ जिल्ह्यातील महागाव तालुक्यातील आनंदनगर तांडा येथे पुराच्या पाण्यामुळे सुमारे 45 लोक अडकले आहेत. शासन सातत्याने स्थानिक प्रशासनाच्या संपर्कात असून आता तासभरात भारतीय हवाई दलाचे 2 हेलिकॉप्टर्स नागपुरात पोहोचतील आणि तेथून अडकलेल्या नागरिकांना बाहेर काढण्यासाठी लगेच महागावसाठी रवाना होतील असे उपमुख्यमंत्री यांनी सांगितले. सुमारे 231 मिमी पाऊस येथे झाला आहे. यवतमाळ चे आमदार मदनभाऊ येरावार सुद्धा संपर्कात आहेत. परिस्थितीवर शासन लक्ष ठेवून आहेत. तसेच बाभूळगाव तालुक्यातील कोतम्बा गावाला सुद्धा पुराणे वेढा घातल्यामुळे गावाचा सम्पर्क तुटला आहे.यवतमाळ जिल्ह्यातील सर्वच तालुक्यात मुसळधार पाऊस कोसळत असल्यामुळे शेतमालाचे आणि घरांचे मोठया प्रमाणात नुकसान झाले आहे.