लायन्स क्लब वणीचा पदग्रहण सोहळा संपन्न

वणी:-  लायन्स क्लब वणीचे नवनिर्वाचित अध्यक्ष लायन्स राजाभाऊ उर्फ हरिहर पाथ्रडकर व त्यांचे सहकारी यांचा २०२३-२४ चा पदग्रहण सोहळा लायन्स भरत भलगट व्हाइस डिस्टीक गव्हर्नर २ यांच्या हस्ते येथील लायन्स इंग्लिश मिडीयम स्कूल चर्या सभागृहात थाटात संपन्न झाला.यावेळी प्रमुख अतिथी म्हणून वणी विधानसभा क्षेत्राचे आमदार लायन संजिवरेड्डी बोदकुरवार,लायन राजकुमार झाडे,लायन विकास घाटे, लायन्स क्लब च्या मावळत्या अध्यक्षा लायन मंजीरी दामले,व सचिव लायन सुनिता खुंगर, तसेच नवनियुक्त अध्यक्ष लायन राजाभाऊ पाथ्रडकर व सचिव किसान चौधरी, मंचावर उपस्थित होते.

लायन भरत भलगट यांनी नवनियुक्त अध्यक्ष लायन राजाभाऊ पाथ्रडकर सचिव लायन किशन चौधरी त्यांचे नवनियुक्त सहकारी लायन शांतीलाल पांडे,(उपाध्यक्ष) लायन दुरदाना अहेमद  (उपाध्यक्ष) लायन किशन चौधरी,(सचिव) लायन चंद्रकांत जोबनपुत्रा,(कोषाध्यक्ष) लायन नरेंद्र बरडिया,लायन प्रमोद  देशमुख,लायन पुरूषोत्तम खोब्रागडे,लायन सुधीर दामले,(डायरेक्ट) लायन बलदेव खुंगर,(डायरेक्ट) यांना लायन्स क्लब वणीचे डायरेक्ट म्हणुन त्यांच्या जबाबदाऱ्या समजावून सांगितल्या तसेच नवीन सदस्य लायन विणा खोब्रागडे,लायन तुषार नगरवाला,लायन खुषी नगरवाला यांना सदस्यत्वाची शपथ दिली.

यावेळी लायन भरत भलगट, आमदार लायन संजिवरेड्डी बोदकुरवार,लायन राजकुमार झाडे,लायन विकास घाटे, यांनी मनोगत व्यक्त करून नवनियुक्त पदाधिकाऱ्यांचे अभिनंदन केले.व पुढील वाटचालीस शुभेच्छा दिल्या.दिपप्रज्वलना नंतर लायन मंजिरी दामले यांनी स्वागतपर मनोगत व्यक्त करून क्लबच्या मागील कार्याचा आढावा घेतला.तसेच नवनियुक्त अध्यक्ष लायन राजाभाऊ पाथ्रडकर स्विकृतपर मनोगत व्यक्त करून सर्वांच्या सहकार्याने सामाजिक, शैक्षणिक, आरोग्य विषयक उपक्रम राबविण्याचा मनोदय व्यक्त केला.

या कार्यक्रमास पत्रकार, प्रतिष्ठित नागरिक, लायन्स इंग्लिश मिडीयम स्कूल ज्युनिअर व सिनीयर कॉलेजचे प्राचार्य, शिक्षक, शिक्षीका व कर्मचारी वृंद उपस्थित होते.

कार्यक्रमाचे संचालन चित्रा देशपांडे,व सोनाली काळे यांनी केले.तर आभारप्रदर्शन लायन किशन चौधरी यांनी केली.राष्ट्रगीताने कार्यक्रमाची सांगता करण्यात आली.