मानवी हक्क सुरक्षा परिषदेच्या मागणीला यश. रोडवरील खड्डे बुजविणे युध्द स्तरावर सुरू.

वणी:- मानवी हक्क सुरक्षा परिषदेच्या वतीने पंधरा दिवसा अगोदर वणी शहरातील प्रमुख मार्गांवरचे खड्डे बुजविण्यात यावे.अशा प्रकारचे निवेदन उपविभागीय अधिकारी नितीन हिंगोले वणी  यांना देण्यात आले होते. या रस्त्यावरून जाताना अनेक नागरिकांना त्रास सहन करावा लागत होता. खड्ड्यामध्ये साचलेले पाणी वाहनाने नागरिकांच्या अंगावर उडत होते. या खड्ड्यामुळे अनेक दुचाकीस्वार पडले, त्यामुळे मानवी हक्क सुरक्षा परिषदेच्या वतीने १५ दिवसा पुर्वि खड्डे बुजविण्याचे निवेदन दिले होते.त्या निवेदनाची स्थानिक प्रशासनाने दखल घेऊन खड्डे बुजविण्याची प्रकिया सुरू केल्यामुळे मानवी हक्क सुरक्षा परिषदेच्या वतीने प्रशासनाचे आभार व्यक्त केले.