विद्यार्थ्यांना मोबाईल पासून दूर ठेवण्यासाठी क्रीडा स्पर्धांचे आयोजन, प्रा. घनश्याम आवारी यांच्या संकल्पनेतला उपक्रम.

वणी: सध्याच्या काळात जवळपास सर्वांच्या हातात स्मार्टफोन असतो. अनेक विद्यार्थ्यांना याचा अभ्यासासाठी उपयोग होतो. मात्र हळूहळू याच्या विळख्यात ते सापडतात. त्यांना या पासून दूर ठेवण्यासाठी आवारी ट्युटोरियलचे संचालक घनश्याम आवारी यांनी वेगळा उपक्रम राबविला. त्यांनी विद्यार्थ्यांसाठी क्रीडा स्पर्धांचे आयोजन केले  विविध शाळांमधील विद्यार्थ्यांनी क्रिकेट, टेनिस, कबड्डी अशा अनेक खेळांमध्ये सहभाग दर्शविला. प्रा. आवारी यांचे आई व वडील शिक्षक आहेत. यांच्यात प्रेरणेतून हा उपक्रम त्यांनी राबविला. विद्यार्थ्यांना मोबाईलला पर्याय देणे आवश्यक असल्याचं ते म्हणाले.

 अशा क्रीडा स्पर्धेमुळे विद्यार्थ्यांच्या नेतृत्वगुणाचा विकास होतो  हे नियोजन करायला शिकतात. यांच्या कौशल्यांचा विकास होतो. हे राष्ट्रीय आंतरराष्ट्रीय पातळीवर सुद्धा जाऊ शकतात. अशी अपेक्षा त्यांनी यावेळी व्यक्त केली.