२२ वर्षीय तरुणाने घेतला दुकानात गळफास, दिपक चौपाटी परिसरातील घटना.

रोशन दिगांबर बावणे २२ वर्ष लालगुडा असे मृतकाचे नाव आहे. शहरातील दिपक चौपाटी परिसरातील हनुमान....

वणी:- वणी शहरातील दिपक चौपाटी परिसरातील हनुमान मंदिरासमोरील फर्णिचरच्या दुकानात गळफास घेऊन आत्महत्या केल्याची घटना आज सकाळी उघडकीस आली.

रोशन दिगांबर बावणे २२ वर्ष लालगुडा असे मृतकाचे नाव आहे. शहरातील दिपक चौपाटी परिसरातील हनुमान मंदिराजवळ असलेल्या रोशन बावणे यांचे फर्णीचरचे दुकान आहे.तो दुकानातच झोपत होता. मंगळवारी रात्री तो दुकानात झोपला होता.आज बुधवारी सकाळी दुकानातील माणूस दुकानात गेला असता रोशन हा गळफास घेऊन लटकलेल्या अवस्थेत आढळून आला. 

याची माहिती रोशनच्या वडीलांना देण्यात आली. परिसरातील नागरिकांनी घटनास्थळी एकच गर्दी केली होती. या घटनेची माहिती पोलीसांना दिली असता वणी पोलिस घटनास्थळी दाखल होऊन पंचनामा करून मृतदेह शवविच्छेदना करिता ग्रामीण रुग्णालय वणी येथे दाखल केले.

रोशन यांनी आत्महत्या का केली हे कळू शकले नाही. पुढील तपास वणी पोलिस करीत आहेत.