विष प्राशन करून वृध्द इसमाने केली आत्महत्या.

शिरपूर पोलिस स्टेशन हद्दीतील कुर्ली येथील ६५ वर्षीय वृध्द इसमाने विषारी औषध प्राशन...

वणी:- शिरपूर पोलिस स्टेशन हद्दीतील कुर्ली येथील ६५ वर्षीय वृध्द इसमाने विषारी औषध प्राशन करून आत्महत्या केल्याची घटना ८ जुलै रोजी सायंकाळी उघडकीस आली.

भिमा किसन आत्राम,६५ वर्ष असे मृतकाचे नाव आहे.

८ जुलै रोजी सायंकाळी भीमा आत्राम यांनी आपल्या शेतात जाऊन विषारी औषध प्राशन केल्याने त्याचा जागेवर मृत्यू झाला.

शिरपूर पोलिस स्टेशन यांना माहिती दिली असता मृतकाचे प्रेत  रात्री उशीरा ग्रामीण रुग्णालय वणी येथे शवविच्छेदना करिता दाखल करण्यात आले.

आज दिनांक ९ जुलै रोजी दुपारी शवविच्छेदन करुन मृतदेह नातेवाईकांच्या स्वाधीन करण्यात आला.

भिमा आत्राम यांनी आत्महत्या का केली हे कळू शकले नाही.पुढील तपास शिरपूर पोलिस करीत आहेत.