परंपरेला फाटा देऊन संपन्न झाला गृहप्रवेश.

वणी तालुक्यातील केसुर्ली येथील ग्रामपंचायत सदस्य व शिवमहोत्सव समितीचे अध्यक्ष मा. प्रणयजी निब्रड यांच्या नविन घराचा गृहप्रवेश...

वणी तालुक्यातील केसुर्ली येथील ग्रामपंचायत सदस्य व शिवमहोत्सव समितीचे अध्यक्ष मा. प्रणयजी निब्रड यांच्या नविन घराचा गृहप्रवेश सोहळा जिजाऊ पुजन व जगतगुरु तुकोबारायांच्या अभंगांचे वाचन करुन पारंपारिक पद्धतीने सत्यनारायण न करता पार पडला.  पुरोगामी विचारांचा वसा घेऊन महापुरुषांच्या व कुटूंबातील पुर्वजांच्या स्मृतीला वंदन करण्यात आले.

 प्रणय निब्रड यांचे आईबाबा केशव व सुभद्रा निब्रड यांच्या हस्ते मुख्य प्रवेशद्वाराला लावलेली फित कापून गृहप्रवेश करण्यात आला तसेच ग्रामगीता, भारतीय संविधान, बळीवंश, अभंगशतक व शिवधर्म गाथा या पवित्र पुस्तकांचे पुजन करण्यात आले.यावेळी शिवसेवक म्हणून दत्ताजी डोहे यांनी अभंगांचे वाचन केले.सदर कार्यक्रमासाठी नितीनजी मोवाडे सर अमर टोंगे, संकेत दुर्गे,मयुर लांडे, अनंत कोसारकर योगी दुर्गे सुमित राजूरकर  व सर्व आप्तस्वकीयांचे सहकार्य लाभले.सर्व गावकरी या अभुतपुर्व सोहळ्यांचे स्वागत करीत आहेत व प्रणय निब्रड यांचे कौतुक करत आहेत...