निमा संघटना यवतमाळ व दीनदयाल सेवा प्रतिष्ठान यवतमाळ च्या विद्यमाने जागतिक योग दिन उत्साहात साजरा

यवतमाळ: नॅशनल इंटिग्रेटेड मेडिकल असोसिएशन शाखा यवतमाळ व दीनदयाल सेवा प्रतिष्ठान ,यवतमाळ यांच्या संयुक्त विद्यमाने दि. २१/०६/२०२३, बुधवार रोजी, स. ०६:३० वा. , दीनदयाल प्रबोधिनी लाॅन, निळोणा, यवतमाळ येथे भव्य योग प्रात्यक्षिक व योगनृत्य कार्यक्रमाचे आयोजन करुन ९ वा जागतिक योग दिन उत्साहात साजरा करण्यात आला.

यावेळी, निळोणा येथील निसर्गरम्य परिसरात श्री राजेश नागोरवाला( मुख्य योगनृत्यप्रशिक्षक, योग नृत्य परिवार, यवतमाळ) व सौ प्रियंका नागोरवाला व चमु यांनी ३० मिनिटे योग नृत्य प्रात्यक्षिक करून घेतले. यानंतर डॉ कविता बोरकर, निमा महिला प्रतिनिधी तथा पतंजली योग प्रशिक्षक, यवतमाळ) , डॉ गणेश सव्वालाखे (विदर्भ प्रदेश अध्यक्ष महाराष्ट्र योग शिक्षक संघ) व श्री नरेंद्र ढोकणे सर यांनी विविध योगासने, प्राणायाम, शवासन इ. प्रात्यक्षिक शिकवले. यावेळी ५० ते ६० निमा यवतमाळ सदस्य व दीनदयाल सेवा प्रतिष्ठान सदस्य यांनी कार्यक्रमाचा लाभ घेऊन अतिशय उत्साहात कार्यक्रम संपन्न झाला.

कार्यक्रमाला प्रमुख पाहुणे म्हणून श्री मनोज केदारे साहेब (ठाणेदार, अवधूत वाडी पोलिस स्टेशन, यवतमाळ) यांची उपस्थिती लाभली, तर कार्यक्रमाचे अध्यक्षस्थानी डॉ दिनेश चांडक (अध्यक्ष, निमा यवतमाळ) होते, तसेच श्री नरहरजी देव (अध्यक्ष, दीनदयाल प्रबोधिनी, यवतमाळ), डॉ आनंद बोरा ( सचिव निमा यवतमाळ), डॉ शैलेष यादव (कोषाध्यक्ष, निमा यवतमाळ), श्री प्रेम राठी(सामाजिक कार्यकर्ते, यवतमाळ), डॉ प्रविण राखुंडे (माजी अध्यक्ष,निमा यवतमाळ), डॉ आलोक गुप्ता,(अध्यक्ष, निमा प्रोक्टॉलॉजी सोसायटी, यवतमाळ), डॉ अतिष गजभिये (सहसचिव, निमा महाराष्ट्र राज्य शाखा), डॉ संजय अंबाडेकर (राज्य उपाध्यक्ष, निमा महाराष्ट्र राज्य शाखा) यांची उपस्थिती लाभली.असे वृत्त डॉ आदित्य अढाऊकर जिल्हा संपर्कप्रमुख निमा यवतमाळ यांनी कळविले.