*वडकी पोलिसांनी केला गोवंश तस्करीचा पर्दाफाश* *वडकीचे ठाणेदार विजय महल्ले यांची गोवंश तस्करावर धडक कारवाई*

*वडकी पोलिसांनी केला गोवंश तस्करीचा पर्दाफाश*

वडकीचे ठाणेदार विजय महल्ले यांची गोवंश तस्करावर धडक कारवाई

✍️प्रवीण गायकवाड

   राळेगाव

राळेगाव:-शुक्रवार दिनांक ०९/०६‌‌़२०२३ वडनेर कडून आदीलाबाद कडे कत्तलीसाठी गोवंशाची कंटेनर द्वारे तस्करी केल्या जात असल्याची गुप्त माहिती वरून वडकी पोलिसांनी दहेगाव फाट्याजवळ सापळा रचून सदर कंटेनरला थांबण्याचा इशारा केला असता कंटेनर न थांबताच पांढरकवडा च्या दिशेने पळाला. वडकी पोलिसांनी कंटेनरचा वीस किलोमीटर पाठलाग करून ३६ बैल व १गाय यांची सुटका केली मात्र कंटेनर सोडून दोन्ही आरोपी जंगलात पसार झाले.

                   शुक्रवार दिनांक ९ जून रोजी वडकी पोलिसांना कंटेनर क्रमांक एन एल ०१ए.एफ.१०१३ मध्ये वडनेर कडून आदिलाबाद कडे अवैध्यरित्या, निर्दयतेची वागणूक देऊन, आखूड दोराने बांधून व चारा पाण्याची व्यवस्था न करता विना परवानगी कत्तलीसाठी गो वंश घेऊन जात आहे अशी माहिती मिळाली त्यावरून वडकी पोलिसांनी तात्काळ पोलीस स्टाँफ सह दहेगाव फाटा जवळ नाकाबंदी करून सदर कंटेनर वाहनास थांबन्याचा इशारा केला असता कंटेनर न थांबताच पांढरकवडा कडे भरधाव गेला असता वडकी पोलिसांनी त्याचा २०कि. मी. पर्यंत पाठलाग केला. पोलिसांचा पाठलाग बघून आरोपी यांनी  साखरा गावाजवळील हॉटेल जवळ कंटेनर थांबवून कंटेनर मधील दोघे आरोपी जंगलात पसार झाले. मात्र पोलिसांनी कंटेनर ताब्यात घेतला.          

                 वडकी पोलिसांनी पंचासमक्ष वाहनांची तपासणी केली असता सदर वाहनांमध्ये गो वंशीय बैल ३६ व गाय ०१ अशी एकूण३७  जनावरे अंदाजे प्रत्येकी किंमत २०,०००/- रुपये प्रमाणे एकूण किंमत  ७,४०,०००/- रुपये व कंटेनर वाहन किंमत३०,००,००० /- असा एकुण किं.३७,४०,०००/-रुपये चा मुद्देमाल पंचा समक्ष वडकी पोलिसांनी घटनास्थळावरुन जप्त केला. सदर वाहनात बैल निदर्यपणे आखूड दोराने दाटीवाटीने डबल डेक्कन स्वरूपात बांधलेले होते. चारा पाण्याची कोणतीही व्यवस्था केली नव्हती व सदर गोवंशाची तस्करी करणारेआरोपी हे फरार झाले होते.फरार आरोपी इसम व कंटेनर मालक यांचे विरुध्द पो.स्टे.ला प्राण्यांना निर्दयतेने वागणूक कायद्या प्रमाणे व मोटार वाहन कायद्याप्रमाणे गुन्हा दाखल करण्याची कार्यवाही सुरू होती.

           सदरची कार्यवाही मा श्री पवन बन्सोड, पोलीस अधीक्षक, यवतमाळ, मा श्री पियुष जगताप, अपर पोलीस अधीक्षक, यवतमाळ, मा श्री प्रदीप पाटील, उपविभागीय पोलीस अधिकारी पांढरकवडा यांचे मार्गदर्शनात वडकी पोलीस स्टेशनचे कर्तव्यदक्ष ठाणेदार  विजय महाले सोबत चालक पो हवा गजानन अडपावार, नापोका विलास जाधव, सचिन नेवारे, पोका अरविंद चव्हाण यांनी केली.