लालगुडा-भालर- लाठी-निवली रस्ता देत आहे अपघाताला निमंत्रण, रोडवर बेश्रमाचे झाड लावून केला निषेध.

वणी : तालुक्यातील लालगुडा ते भालर-बेसा-लाठी-निवली-तरोडा रस्त्यावरचे डांबरीकरण उखडलेले असून रस्त्यावर खड्डे पडल्याने अपघाताच्या घटनेत वाढ झाली आहे. तालुक्यातील लालगुडा ते लाठी - निवली - तरोडा मार्गावरील डांबरीकरण पूर्णपणे उखडलेले आहे. त्यामुळे या रस्त्यावर रोज किरकोळ अपघात होत आहे. हा रस्त्याची दुरुस्तीची मागणी करूनही शासनाने दुर्लक्ष केले आहे. लालगुडा ते लाठी - निवली - तरोडा हा मार्ग जिल्हा परिषदेच्या सार्वजनिक बांधकाम विभागाकडे आहे. गत काही वर्षापासून रस्त्यावर पॅचिंगचे काम करण्यात आले नाही.

हा रस्ता लवकर दुरुस्त करण्याची आवश्यकता आहे. मागील सहा महिन्यापासून याचा पाठपुरावा समाजसेवक व गावकऱ्यांकडून होत असून याच्याकडे दुर्लक्ष का? असा प्रश्न जनतेला पडला आहे. तसेच निवली गावाजवळ एक मोठा खड्डा असून तिथे काल एक मालवाहू वाहन अडकले असताना तेथील नागरिकानी ते वाहन बाहेर काढले. या रस्त्याकडे तेथील लोकप्रतिनिधी व अधिकाऱ्यांनी लक्ष देऊन रस्ता दुरुस्त करावा अशी मागणी तिथे उपस्थित सामाजिक कार्यकर्ते मनोज ढेंगळे, सुधिर कुनाके, पुंडलिक खोके, सचिम धोंगळे, रूपेश पोटे, प्रफुल गोहोकार, भारत धोंगळे, पचकटे, योगेश देवतळे, आकाश पोटे, खिरटकर, भवसागर निखिल, अतुल व गावकऱ्यांकडून केली आहे.