पाच टक्के दिव्यांग निधी नियमित मिळावा गजानन वानखेडे

पाच टक्के दिव्यांग निधी नियमित मिळावा- गजानन वानखेडे

सय्यद रहीम रजा

तालुका प्रतिनिधी उमरखेड

उमरखेड :शासनाच्या जीआर प्रमाणे दिव्यांग व्यक्तीसाठी ग्रामपंचायत तथा नगरपालिकेतून त्यांच्या उत्पन्नातून पाच टक्के निधी द्यावा असा आदेश असताना सुद्धा शासकीय व निमशासकीय स्तरावर त्याची अंमलबजावणी होत नाही त्यामुळे समाजातील शेवटचा घटक म्हणजे दिव्यांग हा या निधीपासून दूर राहत आहे,दिव्यांग बंधू भगिनींना त्यांच्या हक्काचा निधी त्वरित उपलब्ध करून देण्यात यावा, यासाठी दिव्यांग बंधू भगिनींसाठी  कार्य करणारी एकमेव संस्था सहयोग बहुउद्देशीय विकास संस्था चे अध्यक्ष गजानन वानखेडे यांनी आज पंचायत समिती कार्यालय, ऊमरखेड येथे निवेदन दिले.यावेळी दिव्यांग बांधव दिलीप धुळे,प्रकाश सावतकर उपस्थित होते.आजही दिव्यांगाना शासकीय योजनांची संपूर्ण माहिती नसल्याने दिंव्यांग अनेक योजनेपासून वंचित आहेत,त्यांना सहकार्य करणे प्रत्येकाचे कर्तव्य आहे.संस्थेचे अध्यक्ष तथा सामाजिक कार्यकर्ते गजानन वानखेडे सतत दिव्यांगांच्या समस्या ऐकून घेतात व शासन दरबारी न्याय मिळवून देण्यासाठी सदैव प्रयत्न करतात.दिंव्यांगांना वनफोर तिकीट न घेता सर्व दिव्यांगांना मोफत एस.टी.चा प्रवास परिवहन महामंडळ यांनी करावा यासाठी यवतमाळ जिल्ह्याचे जिल्हाधिकारी अमोल येडगे यांना प्रत्यक्ष भेटून दिव्यांग सप्ताह साजरा करण्यात आला यावेळी संस्थेचे अध्यक्ष गजानन वानखेडे यांनी निवेदन दिले होते हे मात्र विशेष.