अवैध मुरुम वाहतूक करणारे तिन ट्रॅक्टर जप्त, मारेगाव महसूल विभागची धडाकेबाज कारवाई.

मारेगाव : मार्डी परिसरातील विनापरवाना मुरुम उत्खनन करून तिन ट्रॅक्टर मुरूम भरून मार्डी कडे येत  असल्याची माहिती रात्रीच्या गस्तीवर असलेल्या मंडल अधिकारी अमोल गुघाने यांना गोपनीय माहिती मिळताच यांच्या चमुने मार्डी परिसरातील असलेल्या पेट्रोल पंप जवळ विनापरवाना मुरुम भरून येत असलेल्या टॅक्टरची थांबून तपासणी केली असता परवाना मागितला  परवाना नसल्याचे दिसून आले असून ट्रॅक्टर जप्त करुन ताब्यात घेतले. ही कारवाई शुक्रवार दि.५ मे रोजी रात्रीच्या १ वाजताच्या सुमारास ही कारवाई करण्यात आली असून  ताब्यात घेतलेले तिन ट्रॅक्टर तहसील कार्यालयात जमा करण्यात आले आहे. चोपण मजरा कॅनल परिसरात नेहमीच अवैध गौण उत्खनन होत असते.अवैध मुरुम उत्खनन करुन वाहतूक नेहमी केली जात असल्याची चर्चा मार्डी परिसरात सुरू होते. 

याची गोपनिय माहिती मंडल अधिकारी अमोल गुघाने, तलाठी शिंगाणे, तलाठी कुळमेथे यांना मिळाली. त्यांनी प्रत्यक्ष  ट्रॅक्टरची तपासणी केली असता विनापरवाना मुरूम  आढळून आले. याप्रकरणी ट्रॅक्टर मालक रत्नाकर देवराव जुमळे,रा. मार्डी. अभय जुमळे रा. मार्डी. सुबोध शर्मा रा. मार्डी यांच्यावर अवैध उत्खनन करून विनापरवाना मुरूमाची वाहतूक केल्याप्रकरणी ट्रॅक्टरवर कारवाई केली असुन ही कारवाई तहसीलदार दीपक पुंडे यांच्या मार्गदर्शनाखाली मंडल अधिकारी अमोल गुघाने तलाठी शिंगाणे तलाठी कुळमेथे वाहन चालक विजय कन्नाके,  कोतवाल लवू भोंगळे यांनी ही कारवाई केली आहे.