RCCPL / M.P बिर्ला सिमेंट कंपनीने भूमिहीन बेरोजगार यांना कायमस्वरूपी नौकरी न दिल्यास आमरण उपोषण करण्याचा शेतकऱ्यांनी दिला इशारा

▪️मा. जिल्हाधिकारी साहेब यवतमाळ यांना निवेदन सादर

आशिष साबरे (यवतमाळ जिल्हा प्रतिनिधी)
झरी जामनी: तालुक्यातील मुकुटबन येथील RCCPL / M.P बिर्ला सिमेंट कंपनीने भूमिहीन बेरोजगार यांना कायमस्वरूपी नौकरी न दिल्यास आमरण उपोषण करण्याचा शेतकऱ्यांनी  इशारा दिला आहे.याबाबतेचे सदर निवेदन मा. जिल्हाधिकारी साहेब यवतमाळ यांना निवेदन देण्यात आले आहे. कंपनीने कायमस्वरूपी नौकरी न दिल्यास दि. १९ एप्रिल २०२३ ला. वेळ १०-३० वा.०० पासून आमरण
उपोषण करण्याची परवानगी संबंधित शेतकऱ्यांनी निवेदनाद्वारे   मा जिल्हाधिकारी यवतमाळ यांना मागितली आहे.अविन विठ्ठल मुद्दमवार वय ३७,राजेश संतोष चिंतावार वय २१,दिलीप गजानन मुत्यलवार वय ३१,आणि किशोर राजेश मुद्दमवार वय २१ सर्व रा. मुकुटबन ही निवेदन देण्याच्या भूमिगत शेतकऱ्यांची नावे आहे.निवेदनाद्वारे या शेतकरी पुत्रांनी जिल्हाधिकारी यवतमाळ यांना कळविले आहे की,
हे शेतकरी मौजा मुकुटबन येथील रहिवाशी असून ते प्रकल्पग्रस्त शेतकर्याचे भूमिहीन पुत्र आहेत त्यांची वडीलोपार्जीत शेती मुकुटबन स्थित RCCPL कंपनी यांनीअधिग्रहित केलेली आहे,तेव्हा शासकीय नियमानुसार शेती अधीग्रहीत केलेल्या शेतकरी / बेरोजगारी भूमीपुत्रांना सदर सिमेंट कंपनी मध्ये कायम स्वरूपी नौकरी देण्याचे शासकीय तजवीज असताना सुद्धा या भूमिहीन बेरोजगार युवकांना भुलथाफा देऊन खाजगी कंत्राटदार यांचे मार्फत मागील एक ते दोन वर्षापासून कामाला ठेवलले आहे,पण हि बाब शासनाप्रति योग्य नाही.ते  सर्व अर्जदार बांधव भूमिहीन असल्याने व नमूद कंपनी मध्ये कायम स्वरूपी नौकरी नसल्याने त्यांचे, व त्यांच्या कुटुंबीयावर उपासमारीची वेळ आलेली
आहे, हा एक प्रकारे या शेतकऱ्यांवर होत असलेला अन्यायच आहे. या  सर्व अन्यायग्रस्त, प्रकल्प ग्रस्त भूमिहीन सुशिक्षित युवक बेरोजगाराने आयुष्य भर खाजगी कंत्राटदाराच्या अधीपत्याखाली काम करणे योग्य आहे का ? हा एक चिंताग्रस्त प्रश्ना आहे याबाबत
शेतकऱ्यांनी नमूद कंपनीस दि. ३/०४/२०२३रोजी निवेदन दिलेले आहे परंतु आज पावेतो नमूद कंपनीकडून
कोणत्याही प्रकारची दखल न घेता कोणता हि. न्यायमिळाला नाही आहे.तेंव्हा या  सर्व अर्जदार शेतकऱ्यांनी  दि. १९/०४/२०२३ रोजी सकाळी १० -३० वा. नमुंद RCCPL कंपनीच्या मुख्य प्रवेशद्वारा समोर सहकुटुंब आमरण उपोषण करण्याचा इशारा दिला आहे.