गुरुकुल कॉन्व्हेंट, मुकुटबन येथे एकांकिका, वक्तृत्व,चित्रकला, रांगोळी, निबंध स्पर्धा संपन्न

क्रांतिसूर्य महात्मा ज्योतिबा फुले व भारतरत्न डॉ बाबासाहेब आंबेडकर यांच्या जयंतीनिमित्त घेण्यात आल्या विविध स्पर्धा

आशिष साबरे (यवतमाळ जिल्हा प्रतिनिधी)
झरी जामनी: तालुक्यातील सुप्रसिद्ध व अग्रगण्य गृहलक्ष्मी बहुउद्देशीय संस्था मुकुटबन द्वारा  संचालित गुरुकुल कॉन्व्हेंट, मुकुटबन येथे क्रांतिसूर्य महात्मा ज्योतिबा फुले व भारतरत्न डॉ बाबासाहेब आंबेडकर यांच्या जयंतीनिमित्त दिनांक 11 व 12 एप्रिल 2023 रोजी वर्ग 8 वि व वर्ग 9 वी च्या विद्यार्थ्यांसाठी एकांकिका स्पर्धा, वक्तृत्व स्पर्धा,चित्रकला स्पर्धा, रांगोळी स्पर्धा, निबंध स्पर्धा इत्यादी स्पर्धाचे आयोजन करण्यात आले होते. 
मा शिक्षणाधिकारी माध्यमिक यवतमाळ जिल्हा परिषद यांच्या पत्रानुसार क्रांतिसूर्य महात्मा ज्योतिबा फुले व भारतरत्न डॉ बाबासाहेब आंबेडकर यांच्या जीवनावरील आधारित प्रसंगावर  वक्तृत्व स्पर्धा,चित्रकला स्पर्धा, रांगोळी स्पर्धा, निबंध स्पर्धा घेण्यात आल्या तर "मी सावित्री बोलतोय", "मी ज्योतिबा फुले बोलतोय", "मी आंबेडकर बोलतोय" या विषयांवर एकांकिका स्पर्धा घेण्यात आली.या सर्वच स्पर्धांमध्ये विद्यार्थ्यांनी उत्स्फूर्तपणे सहभाग दर्शविला.शाळेचे मुख्याध्यापक श्री सुभाष गजभिये सर यांच्या मार्गदर्शनाखाली या स्पर्धा यशस्वीपणे पार पाडल्या.