खासदार हेमंत पाटील यांच्या प्रयत्नाने रुग्णास उपचारासाठी २ लाख ९२ हजाराची मदत

खासदार हेमंत पाटील यांच्या प्रयत्नाने रुग्णास उपचारासाठी २ लाख ९२ हजाराची मदत

✍️सय्यद रहीम रजा

तालुका उमरखेड प्रतिनिधी

उमरखेड, दि. १२  खासदार  हेमंत पाटील हे मतदार संघातील गरजवंताच्या मदतीला धावून जाणारे लोकप्रतिनिधी म्हणून ओळखले जातात. उमरखेड तालुक्यातील खरुस (ब्रु) येथे ६८ वर्षाच्या व्यक्ती दूर्धर आजार झाल्याचे निदान झाले होते. मात्र या रुग्णाकडे उपचारासाठी पुरेशे पैसे नव्हते, अशा वेळी खासदार हेमंत पाटील यांनी आरोग्यदूत यांच्या मदतीने अवश्यक त्या कागदपत्रांची पूर्तता करुन प्रधान मंत्री राहत कोष फंडातुन दोन लाख ९२ हजार ५०० रुपयाची मदत मिळवून दिली आहे.  

            उमरखेड तालुक्यातील खरुस (ब्रु) येथे ६८ वर्षाचे पंजाबराव वानखेडे यांच्या मानेला गाठ झाल्याने त्यांनी अनेक डॉक्टरांकडे उपचार केले. परंतु गाठीचे योग्य निदान होत नव्हते. दरम्यान त्यांनी खासदार हेमंत पाटील यांच्या उमरखेड येथील शिवसेना संपर्क कार्यालयाशी संपर्क केला आणि उपचारासाठी मदत मिळावी अशी मागणी केली होती. त्यानंतर खासदार हेमंत पाटील यांनी रुग्णाच्या आजाराची गंभीरता लक्षात घेऊन रुग्णास तातडीने प्रधानमंत्री राहत कोष फंडातुन आरोग्य उपचारासाठी लागणारे सर्व कागपत्रे आरोग्यदूत यांच्याकडुन तातडीने मागवून घेतली व प्रधान मंत्री राहत कोष निधीसाठी पंतप्रधान कार्यालयाशी लेखी पत्राद्वारे संपर्क केला आणि पंतप्रधान कार्यालयाने खासदार हेमंत पाटील यांच्या पत्राची दखल घेत पंजाबराव वानखेडे यांच्यावर उपचार करण्यासाठी दोन लाख ९२ हजार ५०० रुपयाची मदत दिली.

           प्रधान मंत्री राहत कोष निधीतून मदत मिळाल्यानंतर पंजाबराव वानखेडे यांच्यावर छत्रपती संभाजीनगर येथील सिग्मा हॉस्पिटल येथे यशस्वी उपचार करण्यात आले. पुढे त्यांच्यावर कमलनयन बजाज हॉस्पिटलमध्ये केले जात आहेत. पंजाबराव वानखेडे या घरातील कर्त्या व्यक्तीवर यशस्वी उपचार झाल्याने त्यांच्या पत्नी, दोन मुले व मुलगी यांनी खासदार हेमंत पाटील यांनी तातडीने आरोग्य उपचारासाठी लागणारी मदत मिळलून दिल्याने त्यांचे आभार मानले.