पिकविमा मिळण्यासाठी संभाजी ब्रिगेडचे आमरण उपोषणाचा इशारा ________________________ विमा कंपनीने ३३ % च रक्कम दिली

भारतीय वार्ता 

_________________________

ता प्र मारेगांव

     मागील  वर्षीच्या खरीप . हंगामातील पिकाचा विमा केन्द्र शासन व राज्य शासनाच्या हिश्यासह शेतकर्‍यांनी विमा कंपणी कडे काढला मात्र विमा कंपनीने शेतकर्‍याना ३३ % रक्कम काही शेतकर्याना अदा केली, शेतकऱ्याना शंभर टक्के विम्याची रक्कम मिळावी यासाठी संभाजी ब्रिगेडचे जिल्हाध्यक्ष अजय धोबे यांनी शेतकऱ्या सह मारेगाव तहसिलदार यांना निवेदन देऊन येत्या १७ एप्रील पर्यंत उर्वरीत विम्याची रक्कम न मिळाल्यास मारेगांव येथे आमरण उपोषन करण्याचा इशारा निवेदनातून देण्यात आला .

     पंतप्रधान पिक विमा योजना २०२२ - २०२३ मध्ये मारेगांव तालुक्यातील शेतकऱ्यांनी शासनाच्या पिक संवर्धन योजनेत प्रशासनाच्या विश्वासावर अॅग्रीकल्चर विमा कंपणीकडे कृषी कर्जदार व गैरकर्जदार असे १७,६५४ शेतकर्‍यानी केंद्र सरकार व राज्य सरकारच्या हिश्यासह रु ६ कोटी  ८८ लाख ४४ हजार रुपयाचा कंपणीला पिक विमा हप्ता जमा केला, खरीप हंगामात जुलै ऑगष्ट सप्टेंबर व ऑक्टोबर महिन्यात सततचा पाऊस व महापुराने शेतकऱ्याचे अतोनात नुकसान झाले , त्या नुकसानीचे पंचनामे प्रशासना मार्फत  करण्यात आहे, प्रशासनाने ती माहिती शासनाला व विमा कंपणीला दिले असल्याची माहिती आहे , मात्र विमा कंपनीने काही शेतकऱ्याना केवळ  नुकसानीच्या ३३% रक्कम देऊन शेतकऱ्याची थट्टा केली शेतकरी व शासना कडून करोडो रुपये घेऊन गलेलट्ठ विमा कंपनी झाली. कायद्यानुसार विमा कंपणीसी निगडीत असलेल्या समितीचे अध्यक्ष तालुका स्तरावर तहसिल असताना पिक विमा न मिळाल्या बद्दल संभाजी ब्रिगेडने १५ मार्चला दिलेल्या  निवेदनाची कुठलीही दखल घेतली नसून संबंधीतानी दिलेल्या अर्जावर  नैसर्गीक आपत्ती तालुका प्रमुखाच्या नात्याने आमच्या झालेल्या  नुकसान तक्रारीची १ जुलै २०२२ शासन निर्णयानुसार  विमा कंपनी कृषी विभाग व महसुल मध्ये सुनवणी करून शेतकरी हित न जोपासने म्हणजे शासनाच्या धोरणाला विरोध करण्याचा प्रकार होय .

   शासन निर्णय क्र प्रपिविगो २०२२ प्र क्र ७२ / ११ अ दि १ जुलै २०२२ नुसार तालुक्याचा  तहसिलदार हा नैसर्गिक आपत्ती तालुका प्रमुख असल्याच शासन निर्णयात नमुद असताना शेतकर्‍याचे जेव्हा निवेदन तक्रारी स्थानिक पातळीवर दिल्या जाते त्याची दखल घेणे हे कर्तव्य आहे , काही शेतकऱ्याना  केवळ पिक विम्याची ३३ % नुकसान भरपाई देण्यात आली ६७ % नुकसान भरपाई मिळावी यासाठी संभाजी ब्रिगेड प्रशासनाला दि १७ एप्रिल पर्यंत शेतकऱ्याना पिक विमा न मिळाल्यास तहसील कार्यालया समोर आमरण उपोषण करण्याचा इशारा निवेदनातून देण्यात आला, यावेळी संभाजी ब्रिगेडचे जिल्हाध्यक्ष अजय धोबे , अनंत मांडवकर, अनामिक बोढे, प्रमोद लडके, कुंदन पारखी यांनी नायब तहसिलदार भगत यांना निवेदन सादर केले .