राम नवमी व हनुमान जन्मोत्सवानिमित्त कळमुला येथे रक्तदान शिबिर. शिबिरात तरुणाचा उत्स्फूर्त सहभाग

राम नवमी व हनुमान जन्मोत्सवानिमित्त कळमुला येथे रक्तदान शिबिर.

शिबिरात तरुणाचा उत्स्फूर्त सहभाग

✍️सय्यद रहीम रजा

तालुका प्रतिनिधी उमरखेड

उमरखेड :-उमरखेड तालुक्यातील कळमुला येथे राम नवमी व हनुमान जन्मोत्सवानिमित्त रक्तदान शिबिराचे आयोजन दिनांक ६ एप्रिल २०२३ रोजी करण्यात आले. या शिबिरात तरुण मंडळींनी उत्स्फूर्त सहभाग घेतला होता.

कळमुला येथे रामनवमी मोठ्या उत्साहाने साजरी करण्यात आली होती. त्याचप्रमाणे आजही हनुमान जन्मोत्सव मोठ्या उत्साहाने साजरा करण्यात आला. या निमित्ताने रक्तदान शिबिराचे आयोजन करण्यात आले होते. या शिबिरात श्री. हजुर साहेब रक्तपेढी नांदेड येथील चमू आली होती. या रक्तदान शिबिरात २६ तरुणांनी रक्तदान केले. अपव्यय खर्च टाळून तरुण मंडळींनी रक्तदान शिबिराचे आयोजन केल्याने एक आदर्श सर्वांच्या डोळ्यासमोर ठेवला. रामनवमी व हनुमान जन्मोत्सवा निमित्त रक्तदान शिबिराचे आयोजन महाकाल प्रतिष्ठान कळमुला व समस्त ग्रामस्थांच्या वतीने करण्यात आले होते. या शिबिराला तातू भाऊ देशमुख, उत्तमराव कनवाळे, संतोष जाधव सोबतच तरुण मंडळी व ग्रामस्थ मोठ्या संख्येने उपस्थित होते.