डॉ.बाबासाहेब आंबेडकर यांच्या पूर्णाकृती पुतळ्याची दुरुस्ती करा. रिपब्लिकन युवा सेनेची नगर प्रशासनाकडे मागणी

सय्यद रहीम रजा

तालुका प्रतिनिधी उमरखेड

उमरखेड :डॉ. बाबासाहेब आंबेडकर यांची १४ एप्रिल रोजी १३२ जयंती असुन दरवर्षी उमरखेड येथे मोठ्या उत्साहात व विविध उपक्रमासह जयंती साजरी करण्यात येते. याही वर्षी सुद्धा भीम जयंती उमरखेड येथे मोठ्या उत्साहात साजरी होणार असुन भारतरत्न डॉ. बाबासाहेब आंबेडकर यांना अभिवादन करण्यासाठी मोठ्या संख्येने जनसमुदाय येणार असुन डॉ. बाबासाहेब आंबेडकर यांच्या पुर्णाकृती पुतळ्याची दुरुस्ती करून पुतळ्या लगतचा परिसर स्वच्छ करून कंपाऊंड वालची रंगरंगोटी करण्यात यावी. तसेच भीम जयंतीला अभिवादन करण्यासाठी आलेल्या जनतेला  सोयी सुविधा उपलब्ध करून देण्यात याव्या.

तसेच भीम जयंती निमित्त उमरखेड येथे जयंती महोत्सव साजरा करताना जयंती मार्गावरील अतिक्रमणे आणि नादुरुस्त रस्त्यामुळे जयंती महोत्सवात अडथळे निर्माण होतात, त्यामुळे जयंती मार्गावरील रस्त्यावरील अतिक्रमणे हटवुन रस्त्यांची दुरुस्ती करण्यात यावी. अशी मागणी  रिपब्लिकन युवा सेनेच्या वतीने नगरपालिकेचे मुख्याधिकारी यांच्याकडे करण्यात आली.

यावेळी जिल्हाध्यक्ष सुनिल पाटील चिंचोलकर, शहराध्यक्ष शुद्धोधन दिवेकर, शहर संघटक नंदु इटकरे, तालुका अध्यक्ष गौतम नवसागरे, तालुका उपाध्यक्ष भीमराव खंदारे, तालुका सदस्य दिलीप मुनेश्वर, अमोल जाधव व संदीप राऊत कार्यकर्ते मोठ्या संख्येने उपस्थित होते.