वनपरिक्षेत्रा मधील पाच गुंठे जागा स्मशानभूमी करीता उपलब्ध करून द्या माजी जिल्हा परिषद सदस्य चितांगराव कदम सर यांची वनमंत्री सुधीर मुनगंटीवार यांच्याकडे केली मागणी

वनपरिक्षेत्रा मधील पाच गुंठे जागा स्मशानभूमी करीता उपलब्ध करून द्या

माजी जिल्हा परिषद सदस्य चितांगराव कदम सर यांची वनमंत्री सुधीर मुनगंटीवार यांच्याकडे केली मागणी

✍️ सय्यद रहीम रजा

तालुका प्रतिनिधी उमरखेड

उमरखेड:पिंपळदरी गट ग्रामपंचायत अंतर्गत येणाऱ्या आडद या गावासाठी वनपरिक्षेत्राच्या हद्दीतील पाच गुंठे जागा स्मशानभूमीसाठी उपलब्ध करून देण्याची  मागणी मुळावा गटाचे माजी जिल्हा परिषद सदस्य चितांगराव कदम सर यांनी वनमंत्री सुधीर मुनगंटीवार यांच्याकडे केली आहे.

आडद हे गाव डोंगराच्या पायथ्याशी बसलेले असल्यामुळे गावच्या चारही  बाजूंनी वनपरिक्षेत्राचे जंगल आहे.त्यामुळे गावाला हक्काची स्मशानभुमी साठी जागा उपलब्ध नाही.

स्मशानभूमी साठी नियोजित जागा उपलब्ध नसल्याने दहन शेड सुद्धा नाही.यामुळे गावातील नागरिकांना मोठा त्रास सहन करावा लागत असतो.गावातील एखादी व्यक्ती मृत्युमुखी पडल्या नंतर गावालगतच अंत्यसंस्कार करावे लागतात.राज्याचे वनमंत्री सुधीर मुनगंटीवार हे उमरखेड येथे छत्रपती संभाजी राजे महाराज उद्यान, डॉ.बाबासाहेब आंबेडकर वाचनालय,सावित्रीबाई फुले मुलींची अभ्यासिका, स्व.वसंतराव नाईक मुलींची अभ्यासिका, महात्मा फुले उद्यान यादव नगर,संत रविदास महाराज जेष्ठ नागरीक सभागृह यादव नगर या विकास कामांच्या लोकार्पण सोहळ्या साठी उमरखेड आले असता  आडद गावाला वनपरिक्षेत्राच्या हद्दीतील जागा देण्याची मागणी चितांगराव कदम सर यांनी केली.

प्रतिक्रिया-:

माझ्या जिल्हा परिषद सदस्य पदाच्या कार्यकाळात आडद या गावात लाखो रुपयांचे विकास कामे पूर्ण केले.पण स्मशानभूमी साठी नियोजित जागा उपलब्ध नसल्यामुळे दहन शेड साठी निधी मंजूर करू शकलो नसल्याची खंत  नेहमी मनात वाटत होती. आज राज्याचे वनमंत्री सुधीर मुनगंटीवार हे उमरखेड येथे आले असता त्यांना आडद गावातील स्मशानभूमीच्या जागे बाबत सांगितले आणि वनखात्याची जागा उपलब्ध करून देण्याची मागणी केली आहे.