जगती मायनिंग कंपनी प्रा.ली. अडेगाव च्या मनमानी कारभारा विरुद्ध कामगार आयुक्त यवतमाळ व जिल्हाधिकारी, यवतमाळ यांना निवेदन

प्रहार संघटनेच्या वतीने वणी तालुकाध्यक्ष मा नितीन गोरे यांनी दिले निवेदन, कामगारांच्या मागण्या मान्य करून कंपनीवर योग्य कारवाई करण्याची मागणी

यवतमाळ: झरी जामनी तालुक्यातील जगती मायनिंग  कंपनी प्रा.ली. अडेगाव च्या मनमानी कारभारा  विरुद्ध कामगार आयुक्त कार्यालय व जिल्हाधिकारी कार्यालय, यवतमाळ यांना  आज बुधवार दिनांक 29 मार्च 2023  रोजी   प्रहार संघटनेच्या वतीने वणी तालुकाध्यक्ष मा नितीन गोरे यांनी  निवेदन दिले, जगती मायनींग कंपनीने 2021 पासून कामगारांना बोनस दिला नाही तसेच बोनस ची मागणी करणाऱ्या कामगारांवर चोरीचे खोटे आरोप लावून त्यांना कामावरून कंपणीने काढून टाकले त्यामुळे कामगार बेरोजगार झाले.कामगारांना पुन्हा कामावर घेऊन कामगारांना 2021 पासूनचा बोनस कंपणीने द्यावा यासाठी सदर निवेदन दिले.जर लवकरात लवकर कंपनीने मागण्या मान्य न केल्यास, कंपनीवर योग्य कारवाई करण्याची मागणी यावेळी करण्यात आली.

कामगारांना सन 2021 चा दिवाळी बोनस न दिल्यास्  वरून प्रहार संघटना आक्रमक भूमिका मांडणार असल्याचे यावेळी कळविण्यात आले.निवेदन देताना उपस्थित प्रहार सुरक्षा रक्षक संघटना यवतमाळ जिल्हा अध्यक्ष अजय भाऊ पड्याळ , वनी प्रहार तालुका अध्यक्ष नितीन भाऊ गोरे , कंपनी कामगार  संदीप बोन्डे , संतोष सेंगर , आकाश पारखे , शुभम श्रीसागर , निलेश दवले , निखिल बूचे , व प्रहार सेवक उपस्तित होते.