कामगारांना बोनस न दिल्यास जगती मायनिंग कंपनीला टाळे ठोकनार- प्रहार जनशक्ती पक्षाचा इशारा

बोनस मागणाऱ्या कामगारांवर चोरीचे आरोपी लावून त्याना कामावरून काढून टाकण्यात आले आहे.

झरी जामनी: तालुक्यातील जगती मायनिंग कंपनी अडेगाव ( मुकुटबन )या कंपनी मध्ये कित्येक वर्षांपासून कामगार काम करीत आहे.दरवर्षी कामगारांना बोनस मिळतं होते पण सन 2021 या वर्षीचे बोनस कामगारांना अजूनही मिळाले नाही आहे.बोनस मागणाऱ्या कामगारांवर चोरीचे आरोपी लावून त्यांना कंपणीतर्फे कामावरून काढून टाकण्यात आले आहे.

हा सर्व घटनाक्रम कामगारांनी प्रहार वणी तालुका अध्यक्ष नितीन भाऊ गोरे यांना सांगितल्यानंतर नितीन गोरे यांनी दि.24 मार्च 2023  रोज शुक्रवारला  कामगारांना घेऊन कंपनी मॅनेजर गौरव गोयल यांच्याशी संवाद साधला असता दि. 26 मार्च 2023 रोजी कामगारांसोबत स्वतः चर्चा करू आणि त्यातून मार्ग काढू असे त्यांनी सांगितले.

पण दि.26 मार्च 2023 रोजी कामगार सुरक्षा रक्षक जिल्हा अध्यक्ष यवतमाळ व वणी तालुका अध्यक्ष प्रहार हे कामगारांना घेऊन जगती मायनिंग कंपनी मध्ये गेले असता मॅनेजर गौरव गोयल हे अगोदरच कंपनीमधून निघून गेले. कामगार सुरक्षा रक्षक जिल्हाध्यक्ष यवतमाळ अजय भाऊ पड्याळ यांनी  दूरध्वनी द्वारे संपर्क साधला असता कामगारांना बोनस देण्याचे अधिकार माझ्याकडे नसून ते कंपनी मालकाकडे आहेत असे सांगण्यात आले, कंपनी मालकाला फोन लावण्याचा प्रयत्न केला असता त्यांचा मोबाईल स्विच ऑफ दाखवण्यात आला,  पण जोपर्यंत कामगारांना न्याय मिळणार नाही तोपर्यंत हा लढा चालूच राहणार असे आश्वासन वणी तालुकाप्रमुख नितीन भाऊ गोरे यांनी सर्व कामगारांना सांगितले.