नगर परिषदेच्या क्रिकेट स्पर्धेत पोलीस संघ विजयी .

सय्यद रहीम रजा

तालुका उमरखेड प्रतिनिधि

नगर परिषदेच्या स्वच्छ सर्वेक्षण 2023 माझी वसुंधरा अभियानांतर्गत दोन दिवसीय क्रिकेट स्पर्धेचे उद्घाटन दि.18 मार्च रोजी येथील जिल्हा परिषद माध्यमिक शाळेच्या मैदानावर झाले .

या दोन दिवसीय सामन्यादरम्यान शहरातील शासकीय कर्मचारी तथा निमशासकीय कर्मचाऱ्यांनी व पत्रकार संघांसह 16 संघाचा सहभाग होता  

दि 19 मार्च रोजी नगरपरिषद कर्मचारी संघाने नगरपरिषद शिक्षक संघाला पराभूत करून फायनल मध्ये झेप घेतली त्याचबरोबर महसूल विभाग संघाला पोलीस कॅम्प संघाने पराभूत करून फायनल मध्ये स्थान कायम केले .

(फायनल )अंतिम सामना नगरपरिषद कर्मचारी संघ व पोलीस कॅम्प या दोन संघात अतिशय चुरशीचा व अती तटीचा सामना झाला त्या सामन्यात पोलिस कॅम्प संघातील एकाच फलंदाजांनी ५८  धावा काढून  विजयी शिखर गाठले  .

पोलीस संघाने नगरपरिषद कर्मचारी संघाविरुद्ध निर्णायक विजय मिळवत स्वच्छ सर्वेक्षण व माझी वसुंधरा अभियानाअंतर्गत ट्रॉफी अजिंक्य पदाचा मान मिळविला पोलीस संघातील अंकुश शेळके हा फलंदाज विजयाचा शिल्पकार ठरला त्यांनी सामन्यातील सर्वोत्तम खेळाडूचा पुरस्कार पटकावला .

          नगरपरिषद कर्मचारी संघाने टॉस जिंकून प्रथम फलंदाजी करण्याचा निर्णय घेतला व पोलीस कॅम्प संघापुढे 58 धावाचे लक्ष ठेवण्यात आले .पोलीस कॅम्प संघातील नाबाद जोडी अंकुश शेळके व दीपक तगारे या दोन फलंदाजांनी एकूण 59 धावा काढून आपल्या संघाला  यश मिळवून दिले यावेळी स्पर्धेचा अंतिम सामना पाहण्यासाठी जिल्हा परिषद मुलांची शाळा येथे हजारोंच्या संख्येने दर्शक उपस्थित होते .

विजयाचा भोंगा वाजल्याच क्षणी पोलीस संघांचे कौतुक करण्यासाठी उपविभागीय पोलीस अधिकारी प्रदीप पाडवी व ठाणेदार अमोल माळवे यांनी आपल्या कर्मचाऱ्यांचे अभिनंदन केले . संघाचे कर्णधार प्रशांत देशमुख यांनी हा विजय  सर्व संघाचा विजय असल्याचे सांगितले  यावेळी उपपोलीस निरीक्षक अमोल राठोडसह सर्व पोलीस विभागातील कर्मचारी ,अधिकारी यांच्यावतीने आपल्या पोलीस कॅम्प संघाचे अभिनंदन  करण्यात आले . .