भूजल आराखड्याची अंमलबजावणी करणार जिल्हाधिकारी

भूजल आराखड्याची अंमलबजावणी करणार

जिल्हाधिकारी

✍️गणेश खडसे

शहर प्रतिनिधी यवतमाळ

यवतमाळ :-दि.१३ मार्च (जिमाका):-यवतमाळ जिल्ह्याचा भूजल व्यवस्थापन आराखडा तयार करण्यात आला आहे. हा आराखडा केंद्रीय भूमि जल बोर्डाच्या अधिका-यांनी जिल्हाधिकारी यांना सादर केला. भूजल आराखड्यात सुचविलेल्या बाबींवर अंमलबजावणी करण्यात येईल, असे जिल्हाधिकारी अमोल येडगे यांनी यावेळी सांगितले.

यावेळी बोर्डाचे वैज्ञानिक अभय निवसरकार, सायली टेंभुर्णे, रोजगार हमी योजना विभागाचे उपजिल्हाधिकारी गुलशन राणी

तसेच पाणी पुरवठा व जलसंपदा विभागाचे अधिकारी उपस्थित होते. केंद्र सरकारच्या जलशक्ती मंत्रालयाच्या केंद्रीय भूमि जल बोर्ड,जल संसाधन,नदी विकास व गंगा संरक्षण विभागाने जिल्ह्याचा भूजल व्यवस्थापन आराखडा तयार केला आहे. या आराखड्यामध्ये पर्जन्यमान, मानसूनपूर्व व नंतरची पाणी पातळी, भूगर्भातील पाणी पातळीत वाढ व घट, जिल्हयातील भूगर्भ स्थिती, माती व जमीनीचा वापर,कृषि उत्पादन क्षमता,वॉटर टेबल,भूगर्भीय खड़क,भूजल स्त्रोत,संसाधनांची उपलब्धता व वापर,पाण्याची उपलब्धता मागणी व वापर आदींचा सखोल अभ्यास करून सदर आराखडा तयार करण्यात आला आहे.

वैज्ञानिक सायली टेमभुरने यांनी अहवालाचे सादरीकरण केले.भूमिजल बोर्डाच्या अधिका-यांशी जिल्हाधिकाऱ्यांनी जिल्हयाच्या भूजल व्यवस्थापनाबाबत चर्चा केली.बोर्डाने आपल्या अहवालामध्ये सूचविलेल्या बाबीवर अंमलबजावणी करण्यात येईल,असे यावेळी सादरीकरणानंतर जिल्हाधिकारी अमोल येडगे यांनी सांगितले.