तिथीनुसार उमरखेड येथे छत्रपती शिवाजी महाराजांची जयंती उत्साहात साजरी :

तिथीनुसार  उमरखेड येथे छत्रपती शिवाजी महाराजांची जयंती  उत्साहात साजरी :

सय्यद रहीम रजा

तालुका प्रतिनिधी उमरखेड    

आज दि.10 मार्ज रोजी  राज्यभरात छत्रपती शिवाजी महाराज यांची जयंती तिथीनुसार साजरी केली जात आहे . उमरखेड मध्येही छञपती शिवाजी महाराज चौकात शिवजयंती उत्सव समितीचे अध्यक्ष रविकांत रुडे यांच्या नेतृत्वात शिवजयंती साजरी केली जात असून त्यानिमित्त जोरदार तयारी करण्यात आली आहे .

       आज  दि 10 मार्च रोजी सकाळी 10 वाजता जलाभिषेक आणि दुग्धाभिषेकाने  या सोहळ्याची सुरुवात करण्यात आली तिथीनुसार पारंपारिक पद्धतीने छत्रपती शिवाजी महाराज चौकात दुग्धाभिषेक करून वाद्यांच्या गजरात शिवजयंती साजरी करण्यात आली .दरवर्षीप्रमाणे शिवजयंती उत्सव समितीचे अध्यक्ष रविकांत रुडे यांच्या नेतृत्वात तिथी नुसार पारंपारिक पद्धतीने महारांजाची जयंती साजरी करण्यात येते याही वर्षी सकाळपासूनच छत्रपती शिवाजी महाराजांच्या प्रतिमेचे  विधिवत पूजा करून एका वेगळ्या उत्साहाला सुरुवात करण्यात आली यावेळी तालुक्यातील सर्व शिवभक्त विविध पक्षाचे राजकीय पुढाऱ्यांनी छत्रपती शिवाजी महाराजांच्या प्रतिमेचे पूजन केले.

यावेळी शिवसेनेचे  जिल्हा संपर्क प्रमुख चितांगराव कदम ,भाजपा जिल्हा अध्यक्ष नितीन भुतडा ,तालुकाप्रमुख प्रविण मिरासे, तालुका प्रमुख संतोष जाधव,युवा सेना जिल्हाप्रमुख अविनाश कदम . शहर प्रमुख अतुल मैड, तालुका संघटक कपिल चव्हाण , पोलीस निरीक्षक अमोल माळवे ,माजी सहाय्यक पोलीस उपनिरीक्षक दीपक कांबळे ,माजी प . स . सदस्य गजानन सोळंके , माजी न .पा सभापती दिलीप सुरते ,अनिल नरवाडे , बळवंतराव नाईक, अॅड. रायेवार, अरविंद भोयर, किसनराव वानखेडे यासह विविध पक्षाचे राजकीय पुढारी व शिवभक्तांनी  छत्रपती शिवाजी महाराजांच्या प्रतिमेचे  पूजा करून जयंती उत्सवाला सुरुवात केली .

चौकट ॥

दहावी आणि बारावीच्या  परीक्षेमूळे पथकाचा कार्यक्रम रद्द

दरम्यान छत्रपती शिवाजी महाराज उत्सव समितीचे अध्यक्ष रविकांत रुडे यांनी इयत्ता दहावी आणि बारावीची परीक्षा सुरु असल्याने  शेवटच्या क्षणी ढोल , ताशा पथकाचा कार्यक्रम रद्द केला .