१६ मार्चपर्यंत यवतमाळ शहरातील पाणी पुरवठा होणार विस्कळीत

१६ मार्चपर्यंत यवतमाळ शहरातील पाणी पुरवठा होणार विस्कळीत

✍️गणेश खडसे

शहर प्रतिनिधी यवतमाळ

यवतमाळ, दि १० मार्च (जिमाका) :-   बेंबळा जलाशयावरुन येणाऱ्या १००० मी.मी. व्यासाच्या अशुध्द पाण्याची उर्ध्ववाहिनी दुरुस्तीच्या कामाकरिता ११ मार्च ते १६ मार्च २०२३ पर्यंत बंद करण्यात येणार आहे.

दरम्यानच्या काळात यवतमाळ शहराचे जुने स्त्रोत चापडोह व निळोणा जलाशयावरुन पाणी पुरवठा सुरु ठेवण्यात येणार आहे. परंतु शहराच्या काही भागात पाणी पुरवठा कमी दाबाने तसेच विस्कळीत होवू शकतो.

यवतमाळ शहरातील सर्व नळधारक ग्राहकांनी याची नोंद घ्यावी व सहकार्य करावे,असे आवहन महाराष्ट्र जीवन प्राधीकरण उपविभागाचे उपविभागीय अभियंता निखिल कवठळकर यांनी केले आहे.