रोजगार हमीत उमरखेड पंचायत समितीचा डंका मनुष्यदिन निर्मितीमध्ये उमरखेड तालुका जिल्ह्यातुन दुसऱ्या क्रमांकावर गटविकास अधिकारी प्रविणकुमार वानखेडे राज्यस्तरीय पुरस्काराने सन्मानित

  सय्यद रहीम रजा

तालुका प्रतिनिधी उमरखेड

              विकासाच्या बाबतीत अत्यंत मागासलेला तालुका म्हणून पूर्वीपासून असलेली ओळख मिटविण्यासाठी  उमरखेड पंचायत समिती अंतर्गत असलेल्या  ग्रामिण भागातील ग्राम पंचायती अंतर्गत ग्रामिण भागात रोजगार हमी योजना प्रभावीपणे राबवून ग्रामिण विकासाला गती देण्याचे कार्य केल्याबद्दल उमरखेड पंचायत समितीचे गटविकास अधिकारी प्रविणकुमार वानखेडे यांना मागील 3 वर्षाच्या कार्यकाळात जिल्ह्यात दुसऱ्या क्रमांकावर मनुष्यदिन निर्मिती केल्याबद्दल दि.3 मार्च रोजी मुंबई येथे यशवंतराव चव्हाण भवन येथे पार पडलेल्या कार्यक्रमात राज्याचे रोजगार हमी योजना मंत्री संदिपान भुमरे व मान्यवरांच्या हस्ते सत्कार करण्यात आला .

      यावेळी राज्याचे अप्पर मुख्य सचिव नंदकुमार , विभागिय आयुक्त शंतनु गोयल व मान्यवर उपस्थित होते .

           रोजगार हमी योजनेत उत्कृष्ठ कार्य करणाऱ्या गटविकास अधिकारी प्रविणकुमार वानखेडे यांचा गुणगौरव समारंभ यशवंतराव चव्हाण भवन नरीमन पॉईंट येथे राज्य शासनाच्या वतिने दि . 3 जानेवारी रोजी आयोजित करण्यात आला होता . मागील उ वर्षात मनरेगा आणि विविध विभागां अंतर्गत तालुक्यात वॉल कंपाउंड , सिमेंट रस्ते, पेविंग ब्लाँक रस्ते, पानंद रस्ते, वृक्ष लागवड , सिंचन विहीरी , गाय गोठे, फळबाग लागवड, शेळीपालन शेड, घरकुल अशी नाविण्यपूर्ण कामे रोजगार हमी योजनेच्या माध्यमातून पंचायत समिती अंतर्गत ग्रामिण भागात करण्यात आली . या सर्व कामांची ऑनलाईन प्रक्रियेव्दारे सर्व अटी व नियमांचे योग्य तालमेळ बसवून मजुरांचे आधारकार्ड बैंकेशी संलग्न करणे ,  मजूरांना मजूरीचे वेळेच्या आत प्रदान करणे, आलेल्या प्रस्तावांची प्रशासकिय मंजुरात वेळेवर देणे, संपूर्ण प्रक्रिया विहीत मर्यादेमध्ये पूर्ण करून तालुक्याला दिलेले लेबर बजेट (मनुष्यदिन निर्मिती ) पूर्ण केल्या बद्दल या कामांची दखल घेत शासनाने कार्यकुशल गटविकास अधिकारी प्रविणकुमार वानखेडे सत्काराच्या रुपाने पोचपावती मिळाली त्यामुळे संपूर्ण तालुक्याची मान राज्यात उंचावली असल्याच्या  प्रतिक्रिया सर्वसामान्य नागरिकांकडून  व्यक्त होत आहे .