बोरी (गदाजी) येथे उद्या धुलीवंदनाच्या पर्वावर होणार अद्भुत , भव्य दिव्य गोटमार

श्री संत गदाजी महाराज यांच्या कृपेने भरविली जाते गोटमार यात्रा, भाविकांचा उसळतो जनसागर

आशिष साबरे (यवतमाळ जिल्हा प्रतिनिधी)
मारेगाव: तालुक्‍यातील बोरी (गदाजी) येथे होलिका (धुलीवंदनाच्या) पर्वावर म्हणजेच रंगपंचमीच्या दिवशी अद्भुत अशा भव्य दिव्य गोटमारीचे आयोजन गावकऱ्यांच्या वतीने करण्यात आले आहेत. उद्या मंगळवार दिनांक 7 मार्च 2023 ला सकाळी 11 वाजता अनेक वर्षांची परंपरा लाभलेला गोटमारिचा खेळ खेळला जाणार आज. यात्रा महोत्सव 3 मार्च पासून सुरू झालेला
असुन ही अनेक पासुन वर्षांची
परंपरा आजतागायत सुरू आहे. बोरी गदाजी येथील गोटमार यात्रेला अनेक वर्षापुर्वीपासुनची परंपरा असुन राज्यासह परराज्यात ही
यात्रा प्रसिद्ध आहे. गावा शेजारून वाहणार्‍या छोट्या नदीच्या काठावर श्री संत गदाजी
महाराज यांचे मंदिर असून
होलिका पर्वावर येथे तीन
दिवसीय यात्रेचे आयोजन
करण्यात आले आहे. 3
मार्चला घटस्थापणा झाली असून 7 मार्च रोजी सकाळी 11 वाजता गोटमार व नंतर काला, पाखड पुजा करण्यात येणार आहे. ऐतिहासिक तसेच सांस्कृतिक वारसा लाभलेल्या बोरी या गावाला गोटमारी मुळे एक वेगळी ओळख मिळाली आहे. धुलीवंदनाच्या दिवशी सकाळी 7.30 वाजता गावकरी हुतुतु हा परंपरागत खेळ खेळतात .या खेळात शेवटी बाद होणाऱ्या व्यक्तीची जिवंत प्रेतयात्रा काढली जाते.याला मढ असे गावकरी संबोधितात. हे मढ संपूर्ण गावात बँड वाज्याच्या तालात फिरविले जाते. नंतर गोटमारीच्या खेळाला सुरुवात होते.हा खेळ जो पर्यत एका होळकराला लागून तो होळकर बेशुद्ध पडत नाही तोपर्यंत सुरूच असतो. गोटमार खेळणाऱ्या व्यक्तीला होळकर या नावाने संबोधिले जाते. अशी ही भव्य दिव्य गोटमार यात्रा पाहण्यासाठी भक्तांची मांदियाळी बोरी गदाजी येथे अनुभवायला मिळते. भाविक भक्तांची अलोट गर्दी या वेळी असते.दरम्यान यात्रा आयोजनाची तयारी पुर्ण झाल्याची माहीती असुन या भाविकांनी दर्शन व
यात्रेचा लाभ घेण्याचे विश्वस्तांनी
आवाहन केले आहे.