यवतमाळ जिल्हा परिषद चे उपशिक्षणाधिकारी विनोद गोडे यांची जि.प.केंद्र शाळा धानोरा च्या सांस्कृतिक कार्यक्रमाला रात्री सदिंच्छा भेट.

यवतमाळ जिल्हा परिषद चे उपशिक्षणाधिकारी विनोद गोडे यांची जि.प.केंद्र शाळा धानोरा च्या सांस्कृतिक कार्यक्रमाला रात्री सदिंच्छा भेट.

संजय कारवटकर राळेगाव तालुका प्रतिनीधी

पंचायत समिती राळेगाव अंतर्गत जिल्हा परिषद उच्च प्राथमिक केंद्र शाळा धानोरा या शाळेचा वार्षिक स्नेहसंमेलन सांस्कृतिक कार्यक्रम हा सर्व गावकरी यांच्या सहकार्याने रात्री 7 ते 10 या वेळात आयोजित करण्यात येत असतो.

2023 या वर्षी सुध्दा प्रजासत्ताक दिनाच्या दिवशी हा कार्यक्रम सुरू होता आणी या कार्यक्रमाला शासकीय सुट्टी असतांना सुद्धा जिल्हा परिषद यवतमाळ ला माध्यमिक विभागात नव्याने रुजू झालेले नवनियुक्त उप शिक्षणाधिकारी यांनी रात्री 9.30 वाजता सदिंच्छा भेट दिली.

    शाळेत प्रथम आगमन झाल्याबाबत शाळा व्यवस्थापन समिती आणि शाळेच्या वतीने त्यांचा सत्कार सुद्धा करण्यात आला.त्याचप्रमाणे धानोरा शाळेत शिक्षक कमी असताना मुलांना शिकवण्यासाठी वेतन न घेता व कोणतीही लालसा न बाळगता शिकवणी वर्ग घेणारी कु.श्रद्धा चंद्रकांत सुरकर हिचे सुद्धा शाळेच्या वतीने  शाल श्रीफळ देऊन सत्कार करण्यात आला.धानोरा येथील सांस्कृतीक कार्यक्रमात खुब रंगत आली हे मात्र विषेश या कार्यक्रमाचे सपुर्ण श्रेय जोत्सना गायकवाड मॅडम,  रूपाली कडु मॅडम ,प्रेमलता केदार मॅडम,तसेच किरण देशमुख सर व सर्व शिक्षकांना जाते,

सर्व जिल्ह्यात रात्रीचे सांस्कृतिक कार्यक्रम बंद करून दिवसा घेतात परंतु धानोरा केंद्रात मात्र हे कार्यक्रम नियमितपणे गावकरी व व्यवस्थापन समिती च्या माध्यमातून सुरू असल्याने  गोडे साहेब यांनी  सर्व गावकरी यांचे आभार मानले.

त्यासोबतच शाळेला आवश्यक असणाऱ्या भौतिक सुविधा उपलब्ध करूण देवू यासाठी सर्वोतोपरी प्रशासन यांच्या कडून सहकार्य करण्याचे अभिवचन यावेळी मनोगतामधून त्यांनी दिले

त्या सोबतच धानोरा गावातील युवा सर्व मुले यांच्याशी हितगुज सुद्धा केली.

या वेळी धानोरा गावच्या प्रथम नागरिक सरपंचा दीक्षाताई प्रवीण  मुन, शाळा व्यवस्थापन समीती अध्यक्ष संजय कारवटकर, सदस्य वाल्मिकराव मुडे, केंद्र प्रमुख  विजय दुर्गे, मुख्याध्यापक विलास डोंगरे ,शिक्षक संदिप शिरसागर , भुमंणा कसरेवार,किरण देशमुख, तसेच गावातील मोठा जनसमुदाय  उपस्थित होता