पत्रकार दिनानिमित्त पूर्वसंध्येला प्रबोधन, संगीत रजनी व सन्मान सोहळ्याचे आयोजन

 प्रवीण  गायकवाड(राळेगाव तालुका प्रतिनिधी): मराठी पत्रकारितेचे जनक आद्य पत्रकार बाळशास्त्री जांभेकर यांची जयंती ६ जानेवारी ला सर्वत्र पत्रकार दिन म्हणून साजरी केली जाते त्या अनुषंगाने पत्रकार दिनाच्या पूर्वसंध्येला म्हणजे दिनांक ५ जानेवारी २०२२ रोज गुरवारला दुपारी ३ वाजता स्व. पी. एल. शिरसाट प्रणित जिल्हा ग्रामीण पत्रकार संघ राळेगाव तालुका पत्रकार संघाच्या वतीने प्रबोधन, शेती क्षेत्रात विविध यशस्वी प्रयोग करणाऱ्या शेतकऱ्यांचा व विविध क्षेत्रात उल्लेखनीय कामगिरी बजावणाऱ्या खेळाडू, विद्यार्थी, सामाजिक कार्यकर्त्यांचा सन्मान सोहळा तसेच सायंकाळी सहा वाजता  मुख्य गायिका प्रतिक्षा डांगे व सह गायक राहुल तायडे यांचा हिंदी मराठी गीतांचा " स्वरांजली" कार्यक्रमाचे आयोजन नगर पंचायत कार्यालयाच्या प्रांगणात करण्यात आले आहे.

या कार्यक्रमाला प्रमुख वक्ते म्हणून प्रसिद्ध स्तंभ लेखक न. मा. जोशी व प्रसिध्द व्याख्याते प्रविण देशमुख  उपस्थित राहणार आहेत तर प्रमुख अतिथी म्हणून उपविभागीय अधिकारी शैलेश काळे, तहसीलदार डॉ. रवींद्रकुमार कानडजे, नगराध्यक्ष रवींद्र शेराम, गटविकास अधिकारी केशव पवार, ठाणेदार संजय चोबे, मुख्याधिकारी अमोल माळकर तर कार्यक्रमाला अध्यक्ष म्हणून राळेगाव तालुका पत्रकार संघाचे अध्यक्ष राजेश काळे हे उपस्थित राहणार आहे.

 अशी माहिती राळेगाव तालुका पत्रकार संघाचे सचिव फिरोज लाखाणी यांनी प्रसिद्धी पत्रकाद्वारे दिली.