बारावीत शिकणाऱ्या 18वर्षीय मुलीची गळ फास घेऊन आत्म हात्या, मारेगाव तालुक्यातील हिवरा मजरा येथील घटना.

मारेगाव  तालुक्यातील  हिवरा (मजरा) येथील १८ वर्षीय मुलीने गळफास घेऊन आत्महत्या केल्याची घटना घडली आहे. या घटनेमुळे परिसरात एकच खळबळ उडाली आहे.

एका जुनिअर कॉलेजमध्ये शिकत असलेल्या एका तरूणीने गळफास  घेऊन आत्महत्या केल्याची घटना तालुक्यातील हिवरा (  मजरा )येथे घडली आहे.  प्रांजली राजू बोढे 18 असे आत्महत्या केलेल्या युवतीचे नाव असून ती एका जुनिअर कॉलेजमध्ये 12 ला शिक्षण घेत असल्याचे कळते.

  सध्या आत्महत्यांनी तालुक्यात कळस गाठलेला आहे. दर आठवड्यात किमान एक ते दोन आत्महत्या ठरलेल्याच आहे. या आत्महत्येंवर शासनाकडून ठोस उपाययोजना केल्या जात नाही. हिवरा ( मजरा )येथील 18 वर्षीय युवती आपल्या कुटुंबियांसोबत आनंदात जीवन जगत होती. त्यांच्याकडे दोन ते तीन एकर शेती असल्याची प्राथमिक माहिती आहे.  तसेच या मुलीचे वडील काही शेती ठेक्याने करतात. अशातच ती आज दि. 2 जानेवारीला आपल्या कुटुंबियांसोबत शेतामध्ये गेली होती. दुपारी दोनच्या दरम्यान ती बैल पाणी पाजून आणतो म्हणून आईवडिलांपासून दुसऱ्या शेतामध्ये  गेली. त्या शेतामध्ये  साहित्य ठेवण्यासाठी छोटासा कोठा आहे. तेथेच या मुलीने बैल बांधण्याच्या दोराने गळफास लावून  आत्महत्या केली.

   मुलगी परत आली नाही म्हणून  जाऊन बघीतले असता ती गळफास घेतलेल्या अवस्थेत आढळून आली. आत्महत्येचे नेमके कारण कळू शकले नाही.या घटनेचा पुढील तपास मारेगाव पोलीस करीत आहे.