झरी येथील खाजगी सेतू केंद्र जळून खाक ।। आग लागली की लावली शंकेला पेव।। लाखोंचा नुकसान झाल्याची पोलिसात तक्रार

तालुका प्रतिनिधी, झरी:-येथील तहसील कार्यालय समोर असलेल्या खाजगी सेतू केंद्राला आग लागून दुकानातील साहित्य जळून खाक झाले आहे. याबाबत पाटण पोलीस स्टेशनमध्ये तक्रार देण्यात आली आहे.

१९ नोव्हेंबर रोज रात्री झरी येथील तहसील कार्यालयाला लागून असलेल्या  भोयर यांच्या सेतू केंद्राला आग लागल्याने लाखो रुपयाचा नुकसान झालं आहे. सेतू केंद्रात कॉम्प्युटर,प्रिंटर,फ्रिजर, खुर्च्या व संपूर्ण दुकान जळल्याने मोठे नुकसान झाले आहे. सेतू केंद्राला लागलेली आग ही शॉट सर्कीट मुळे लागली की दुष्मनी मुळे लावली अशी चर्चा सूरू आहे. सेतू केंद्र जळाल्याचो माहिती सुकेशनी भोयर याना मिळताच त्यांनी झरी गाठून दुकानाची पाहणी करून पाटण पोलिस स्टेशनला तक्रार दिली आहे

 तक्रारी वरून ठाणेदार संगीता हेलीडे हे पोलीस कर्मचारी घेऊन पाहणी केली. सेतुकेंद्र जळल्याचे कारण कळू शकले नसून पाटण पोलिस स्टेशन ठाणेदार संगीता हेलोंडे यांच्या मार्गदर्शनाखाली पुढील तपास चालू आहे.