मुकूटबन येथील परीक्षण भूमापक कार्यालय बंद स्थीतीत ?

मुकूटबन येथील परिक्षण भूमापक कार्यालय अनेक वर्षांपासून बंद स्थीतीत आहे. बाजूलाच मुकूटबन तलाठी कार्यालय असून या ठिकाणचे शेकडो नागरिक,शेतकरी वर्ग कार्यालयीन कागदोपत्री कामाकरीता ये जा करतात. मात्र परीक्षण भूमापक अधिकारी, कर्मचारी यांचा मुकूटबन कार्यालयात पत्ताच नसल्याने शेती विषयक , प्लाटच्या कामाकरीता शेतकरी वर्गाला झरी येथे १८ कीमी जाने भाग पडत आहे. स्थानिक याच ठिकाणी मुकूटबन येथे परीक्षण भूमापक कार्यालय ठरविलेल्या दिवशी उघडे असल्यास स्थानिक नागरिकांना त्रास सहन करावा लागणार नाही. या ठिकाणच्या शेतकर्यांची शेत जमीन व प्लाट मोजणीची कामे रखडली आहे. तसेच ग्रामीण उतारे , चतु:सीमा फेरफार प्रकरणी उतारे देने, वारस लावने , प्रापर्टीकार्ड काढणे व भूमापक संबंधित ईतरही कामे रखडलेलीच आहे. स्थानिक ठिकाणी कार्यालय असतांना झरी तालुक्याच्या ठिकाणी जाणे येणे परवडणारे नाही. आधिच झरी येथे कार्यालयीन कामाकरीता ये जा करण्याकरिता एसटी बस वाहन सुविधा उपलब्ध नाही. सकाळच्या वेळी फक्त एकच बस  आहे. त्या बसवाहनाने झरी येथे गेल्यास तिकडून येताना मोठी पंचाईत होते. त्यामुळे येथेच स्थानिक कार्यालय व अधिकारी, कर्मचारी उपस्थित असल्यास शेतकर्यांचा त्रास कमी होईल त्याचबरोबर वेळही वाचेल. यासाठी परीक्षण भूमापक कार्यालय ठरविलेल्या दिवशी उघडून नागरिकांची कागदोपत्रे कामकाज सुरू व्हावे अशा मागणीची चर्चा आहे