दुचाकीला बसची जबर धडक, दुचाकिस्वार जागीच ठार.

पाटन बोरी मार्गावरील अहेरअल्ली गावाजवळील...

 झरी:- आज  पाटन बोरी मार्गावरील अहेरअल्ली गावाजवळील रेल्वे बोगद्यात सकाळी 9 वाजताच्या दरम्यान बस व दुचाकीचा भीषण अपघात झाला. या अपघातात धानोरा येथील रामदास तुडमवार वय 50 या इसमाचा अपघातात घटनास्थळी दुर्दैवी मृत्यू झाला.  

प्राप्त माहिती नुसार धानोरा येथील रामदास तुडमवार हे काही कामानिमित्त आपल्या दुचाकीने (हिरो फॅशन)  क्र. MH29 -Y4914 आदिलाबाद येथे जात असताना समोरून येणाऱ्या बस क्र. MH40-AD 6062 ने पाटन बोरी मार्गावरील अहेरअल्ली गावाजवळील रेल्वे बोगद्यात दुचाकीला जबर धडक दिली. या बसच्या धडकेत रामदास तुडुमवार हे खाली पडले. त्यात डोक्याला जबर मार लागल्याने जागीच प्राणगत झाले. मृत्युदेहाचे शवविच्छेदन करण्याकरिता झरी येथील ग्रामीण रुग्नाणालयात पाठविले असून, तपासणी नंतर शव नातेवाईक यांच्या स्वाधीन देण्यात येणार आहे.