मंडळ अधिकारी, तलाठी व वन रक्षक कर्मचार्यावर एसीबीची धाड?

झरी :- तालुक्यातील शिंधी वाढोना परीसरात वन अधिकारी, तलाठी व वन विभाग कर्मचारी याच्यावर  ६ नोव्हेंबर रोजी एसीबीची धाड पडल्याची चर्चा शहरात रंगली होती.

महसूल व वन विभागाच्या कर्मचार्याकडून ही माहिती लिंक झाल्याची चर्चा तालूक्यात सर्वत्र होत आहे. त्यामुळे ते मंडळ अधिकारी, तलाठी, वन विभाग कर्मचारी कोण या चर्चेला उधाण आले आहे. या धाडीच्या चर्चेनंतर नावे जाणून घेण्यासाठी मध्यरात्री पर्यंत फोवरफोन चालू होते. मुकूटबन पोलिस स्टेशन हद्दीतील प्रकार असल्याने कर्मचारी व नातेवाईक पोलिस स्टेशन कडेच लक्ष देत होते. परंतु रात्री १ वाजेपर्यंत कोणत्याही पोलीस स्टेशनला गुन्हा दाखल  झाला नसल्याने सदर प्रकरणात मोठा आर्थिक व्यवहार झाल्याची चर्चा रंगली. परंतु धाडीची चर्चा खरी होती की खोटी तसेच आर्थिक व्यवहार होऊन कार्यवाही दडपली का हे मात्र अजूनही गुलदस्त्यात आहे.तालूक्यात रेती तस्करी , मूरूम चोरी त्यांच्याकडून वसली सूरू असून फेरफार साठी पैसे घेतल्या जात असल्याच्या चर्चा जोमात सुरू आहे.त्यामुळे तस्कर कींवा शेतकर्याकडून हा ट्रॅप लावल्याचे बोलले जात होते.तिन कर्मचाऱ्यांनी सहा लाख रूपये मागीतल्याची चर्चा आहे.मात्र अधिकृत माहिती समोर आली नाही. खरं तर या चर्चेने महसूल व वन विभाग अधिकारी यांचे धाबे दणाणल्याची चर्चा आहे.