नॅशनल इंटिग्रेटेड मेडिकल असोसिएशन (निमा)" या राष्ट्रीय संघटनेच्या चिमूर तालुका अध्यक्ष पदी डॉ. महेश खानेकर यांची निवड

आशिष साबरे :  आज दिनांक २३ ऑक्टोबर २०२२ रोजी चिमूर येथे आयुर्वेद डॉक्टरांची "नॅशनल इंटिग्रेटेड मेडिकल असोसिएशन (निमा)" या राष्ट्रीय संगठणेची चिमूर तालुका कार्यकारिणी घोषित करण्यात आली. डॉ.सुरेश लाखे यांच्या "तेजस्वी"या फार्म हाऊस येथे धन्वंतरी पूजन आयोजित करून सहविचार सभा घेण्यात आली.

या प्रसंगी चिमूर निमा च्या अध्यक्षपदी डॉ. महेश खानेकर,सचिव डॉ.प्रितेश जयस्वाल, कोषाध्यक्ष डॉ. सुरेश लाखे तसेच महिला निमा अध्यक्षपदी डॉ. प्रिती वाघे यांची सर्वानुमते निवड करण्यात आली.

कार्यक्रमाचे अध्यक्षस्थानी डॉ.संजय बोधे तर प्रमुख पाहुणे म्हणुन राजस सर, कामडी सर, डॉ. मुकूल करिये उपस्थित होते.या वेळी शंकरपुर येथील ज्येष्ठ वैद्यकीय व्यावसायिक डॉ. अशोक येळने आणि चिमूर येथील डॉ. विजया यावले यांचा सन्मानचिन्ह देवुन सत्कार करण्यात आला.

या कार्यक्रमाला चिमूर तालुक्यातील डॉ.शालिनी लाखे, डॉ. वैशाली चाफले,डॉ. पौर्णिमा खानेकर,डॉ.वाघे,डॉ बेलखोडे, डॉ. शेख.डॉ. कामडी उपस्थीत होते. कार्यक्रमाचे संयोजन डॉ. महेश खानेकर यांनी व आभार प्रदर्शन डॉ. जयस्वाल यांनी केले.