शिधापत्रिकाधारकांना ‘आनंदाचा शिधा’ संच वाटप सुरू...

शंभर रुपयात मिळणार संच....

यवतमाळ  :  यवतमाळ जिल्ह्यातील सार्वजनिक वितरण व्यवस्थेअंतर्गत पात्र शिधापत्रिकाधारकांना दिवाळी निमित्त चार शिधाजिन्नसांचा समावेश असलेल्या ‘आनंदाचा शिधा’  संच जिल्ह्यामध्ये प्राप्त झाले आहेत. याचे वितरण आज पुसद तालुक्यात सुरू करण्यात आले असून उद्यापासून संपुर्ण जिल्ह्यात त्याचे वितरण करण्यात येणार आहे.

पात्र शिधापत्रिकाधारकांना शिधा जिन्नस संच प्राप्त न झालयास त्यांनी जिल्हा पुरवठा कार्यालयाच्या 07232-242246 या क्रमांकावर संपर्क साधावा असे जिल्हा पुरवठा अधिकारी सुधाकर पवार यांनी कळविले आहे.