क्षुल्लक कारणा वरून विवाहितेचा गळफास घेऊन आत्महत्या.

मारेगाव: अर्चना कर्मवीर दूधगवळी वय ३० वर्षे रा सुर्ला ता झरी या विवाहित महिलेने पती सोबत झालेल्या क्षुल्लक वादातून  राहते घरी दि १७ आक्टोंबर रोजी घराच्या फाट्याला साडीने गळफास घेऊन आत्महत्या केली.

     मृतक महिला शेतमजुरीचे काम करून घरी आली.त्यावेळेस पती बाहेर गेले होते.पती घरी परत आल्यावर दुपारी पाचशे रुपये घेतले त्याचे काय झाले यावरून पती पत्नी यांचेत वाद झाला. याच वेळेस जनावरे आल्याने पती जनावरे बांधायला बाहेर गेले असता विवाहितेने घराच्या फाट्याला साडीने गळफास घेतला.

  ही गोष्ट लक्षात येताच तिला प्रथम घोंसा येथे उपचारासाठी नेण्यात आले. परंतु त्याठिकाणी पुरेशी सुविधा उपलब्ध नसल्याने तिला ग्रामीण रुग्णालय वणी येथे दाखल केले. परंतु डॉक्टरांनी तीला मृत घोषित केले .मृतक महिलेला एक आठ वर्षांची मुलगी आहे. क्षुल्लक कारणावरून महिलेने आत्महत्या केल्याने हळहळ व्यक्त करण्यात येत आहे. पुढील तपास सहायक पोलिस निरीक्षक ज्ञानेश गोविंद सावंत जमादार भालचंद्र मांडवकर करीत आहे