गुरुकुल कॉन्व्हेंट, मुकूटबन येथे भारतरत्न डॉ ए पी जे अब्दुल कलाम यांच्या जयंतीनिमित्त वाचन प्रेरणा दिवस साजरा.

शाळेतील विद्यार्थ्यांनी केले सामूहिक वाचन

मुकुटबन: झरी तालुक्यातील नामांकित अशा गुरुकुल कॉन्व्हेंट, मुकूटबन येथे भारतरत्न डॉ ए पी जे अब्दुल कलाम यांच्या जयंतीनिमित्त वाचन प्रेरणा दिवस साजरा करण्यात आला. यावेळी शाळेतील विद्यार्थ्यांनी सामुहिक वाचन करून देशाचे माजी राष्ट्रपती आणि ख्यातिप्राप्त एरोस्पेस इंजिनीअर भारतरत्न डॉ ए पी जे अब्दुल कलाम यांना आदरांजली वाहली. 

विद्यार्थ्यांना शाळेतील इंग्रजी शिक्षक श्री आशिष साबरे यांनी वाचन संस्कृतीचे महत्व सांगितले. सदर कार्यक्रमाच्या अध्यक्ष स्थानी शाळेतील शिक्षक मा श्री अविनाश कोठळे होते तर प्रमुख पाहुणे म्हणून शाळेतील शारीरिक व कला शिक्षक श्री शिवानंद महाजन सर व इंग्रजी शिक्षिका सौ मनीषा टिपर्टीवार मॅडम विचारपीठावर उपस्थित होते.

कार्यक्रमाची सुरुवात भारतरत्न डॉ अब्दुल कलाम यांच्या प्रतिमेचे पूजन  पाहुण्याच्या हस्ते करून करण्यात आली व  यानंतर शाळेतील  सर्व विद्यार्थ्यांकडून पुस्तकाचे सामूहिक वाचन करण्यात आले वाचन केलेल्या पुस्तकातून नोट्स काढून विद्यार्थ्यांनी त्यांची माहिती दिली.  

शाळेतील सर्व विद्यार्थ्यांकडून पुस्तक देऊन त्याचे वाचन करण्यात आले. यावेळी शिक्षकांनी विद्यार्थ्यांना आपल्या भाषणात दररोज 1 तास अवांतर वाचन करण्याचा संकल्प विद्यार्थ्यांकडून करण्यात आला. या कार्यक्रमाला शाळेतील शिक्षक शिक्षकेतर कर्मचारी व विद्यार्थी उपस्थित होते.कार्यक्रमाचे सूत्रसंचालन इंग्रजी शिक्षक आशिष साबरे यांनी केले.