_*शेतकऱ्यांना 'मूल्यवर्धित उत्पादने ' बद्दल मार्गदर्शन*_

भारतीय वार्ता :गौरव लाडे (बाबुळगाव )प्रतिनिधी 

यवतमाळ : ग्रामीण कृषी कार्यानुभव अंतर्गत मारोतराव वादाफळे कृषी महाविद्यालयाच्या  विद्यार्थी भूषण घोडके, गौरव लाडे,  लोभेश ताजने, तन्मय काकडे, कुणाल राणे यांनी चिमणा बागापूर येथील महिलांना प्रत्यक्ष करवंद सिरप हा पदार्थ बनून दाखवले .तसेच प्रत्यक्ष शेतावरील उत्पादित पिकापासून हे बनविता येत असून आपल्या पिकापासून मिळणारा नफा वाढविता येत असल्याचे सांगितले. याचबरोबर टरबूज, टोमॅटो, पपई, जाम, केळी इत्यादी पिकाची प्रत्यक्ष विक्री करण्यापेक्षा पिकाचे मूल्यवर्धित करून आर्थिक उत्पन्न वाढविता येतो. याकरिता महाविद्यालयाचे प्राचार्य डॉ. आर. ए. ठाकरे, उपप्राचार्य एम. वी. कडू, कार्यक्रम अधिकारी एस. वी. महानूर, आणि विषयतज्ज्ञ प्रा. डी. धोत्रे या सर्वांचे मोलाचे मार्गदर्शन लाभले. यावेळी  गावातील महिलांची उपस्थिती होती.