फूस लावून पळवून नेत अल्पवयीन मुलीवर अत्याचार ।। आरोपीला पोलीसांनी केली अटक

मारेगाव : एका अल्पवयीन मुलीला फूस लावून पळवून नेल्याची घटना 17 ऑगस्ट रोजी पोलीस ठाणे हद्दीत कोर्थुला येते घडली होती. या प्रकरणी पोलिसांनी आज दि. 2 सप्टेंबर रोज शुक्रवारी दुपारी अडीच वाजताच्या सुमारास आरोपीला पोलीसांनी ताब्यात घेतले आहे.

अजय गणेश मेश्राम ( रा. चिंचमंडळ ता. मारेगाव ) असे आरोपीचे नाव असुन. आज दि.2 सप्टेंबर रोजी पिडित मुलीच्या आईच्या तक्रारी नुसार  बलात्कारासह पोस्को अंतर्गत गुन्हा नोंद करण्यात आला आहे.

सविस्तर वृत्त असे की, मारेगाव पोलीस हद्दीतील एक 16 वर्षीय अल्पवयीन मुलीला मारेगाव तालुक्यातील चिंचमंडष येथील अजय मेश्राम या युवकाने लग्नाचे आमिष दाखवून फूस लावून पळवून दि.16 ऑगस्ट नेले होते. 

मुलीच्या वडिलांच्या फिर्यादीवरून  रोजी मारेगाव पोलिस ठाण्यात अल्पवयीन मुलीला फसू लावून नेल्याचा  गुन्हा दाखल करण्यात आला होता. मारेगाव पोलीस या घटनेचा तपास सुरु असताना एका गोपनीय माहिती पोलिसांना मिळाली.

यावरून आज दि. 2 सप्टेंबर रोजी पोलिसांनी छापा टाकत आरोपीला ताब्यात घेतले.  दरम्यान, पोलीस तपासात अल्पवयीन मुलीवर अत्याचार झाल्याची बाब उघड झाली. 

त्यामुळे आरोपीच्या विरोधात गुन्ह्यात वाढ करून बलात्कारासह पोस्को अंतर्गत गुन्हा नोंद करण्यात आला आहे. याप्रकरणी पुढील तपास मारेगाव पोलिस करत आहे