अज्ञात वाहनाच्या धडकेत चार जण गंभीर जखमी ।। वाहनचालक घटनास्थळावरून पसार

मारेगाव: अज्ञात वाहनाच्या धडकेत दोन दुचाकीस्वारासहित दोन जण जखमी झाल्याची घटना २४ ऑगस्टला सांयकाळी ७ वाजेच्या सुमारास वणी-मारेगाव महामार्गावरील गौराळा फाट्याजवळ घटना घडली. 

या अपघातात प्रफुल्ल तोडासे (२५) स्वप्निल तलांडे (२५), संजय ठमके(३८) उत्तम करमणकर (४२) हे चार जण दोन दुचाकीने वणी वरून मारेगाव कडे येत असताना मारेगाव कडुन येणाऱ्या अज्ञात चारचाकी वाहनाने दोन्ही दुचाकीला धडक दिल्याने.

 अपघातानंतर वाहनचालक वाहनासह घटनास्थळावरून पसार झाला. या घटनेची माहिती जनहित संघटनेच्या पदाधिकाऱ्यांना माहिती होताच घटनास्थळी ॲम्बुलन्स सहित  समिर कुळमेथे, निलेश भेंडे, पंकज नेहारे, प्रफुल्ल उरकुडे आकाश खामनकर यांनी जखमींना ॲम्बुलन्स मध्ये बसुन मारेगाव ग्रामीण रूग्णालयात उपचारासाठी दाखल करण्यात आले असुन त्यांच्यावर प्राथमिक उपचार करून पुढील उपचारासाठी यवतमाळ येथे हालविण्याची प्रकिया सुरू होती. या घटनेचा पुढील तपास मालेगाव पोलिस करत आहे.