यवतमाळ जिल्ह्यातील काँग्रेसच्या आझादी गौरव पदयात्रेला वडकी येथून सुरुवात

प्रवीण गायकवाड (राळेगांव तालुका प्रतिनिधी):  स्वातंत्र्याच्या अमृत महोत्सवी वर्षानिमित्त महाराष्ट्र प्रदेश काँग्रेस कमिटीच्या वतीने महाराष्ट्रामध्ये प्रत्येक जिल्ह्यात ७५ किलोमीटर आजादी गौरव पदयात्रेचे आयोजन करण्यात आले आहे ही पदयात्रा १ ते १४ ऑगस्ट दरम्यान जिल्ह्यांमधून आयोजित करण्यात आली आहे.

 पदयात्रेचा समारोप १५ ऑगस्ट रोजी नगर शहरात केल्या जाणाऱ्या आहे त्यानिमित्य ९ ऑगस्ट रोजी  यवतमाळ जिल्हा काँग्रेस कमिटीच्या वतीने राळेगाव विधानसभा क्षेत्रातील राळेगाव तालुका काँग्रेस कमिटीच्या वतीने वडकी येथुन पदयात्रेला सुरवात करण्यात आली. तसेच क्रांतिदिनाचे औचित साधून राष्ट्रपिता महात्मा गांधी यांच्या प्रतिमेला हार अर्पण करून अभिवादन करण्यात आले. 

संपूर्ण देशात स्वातंत्र्याचा अमृत महोत्सव साजरा केला जात आहे त्यामुळे महाराष्ट्र प्रदेश काँग्रेस कमिटीने स्वातंत्र्याचा गौरवशाली इतिहास लोकांसमोर मांडण्यासाठी आणि स्वातंत्र्य चळवळीतील स्वातंत्र्य संग्राम स्मरण करण्यासाठीं आझादी गौरव पदयात्रा काढण्याचा निर्णय घेतला आहे.

या पदयात्रेला काँग्रेसचे जेष्ठ नेते माजी महाराष्ट्र प्रदेश अध्यक्ष  माणिकराव ठाकरे, माजी शिक्षण मंत्री प्रा वसंत पुरके, काँग्रेस जिल्हा अध्यक्ष ॲड प्रफुल्ल मानकर, ओबीसी सेलचे जिल्हाध्यक्ष अरविंद वाढोणकर,  तालुका अध्यक्ष अरविंद फुटाणे, शहर अध्यक्ष प्रदिप ठुणे,किरण कुमरे, प्रवीण कोकाटे, अंकुश मुनेश्वर, नगर पंचायत अध्यक्ष रवींद्र शेराम, उपनगराध्यक्ष जानराव गिरी, सह काँग्रेस कमिटीच्या सर्व सेलचे अध्यक्ष व महिला अध्यक्ष उपास्थित होते.